Dinxsdach 21 Januarii 1578.
Nahdem Aldegond ende Sille ghyster, wes em to Winshem bejegent, rapporteert ende bij gescryffte overgegeven, mit oeck tleste affscheydt hoerder commissie van ons tot rheden te willen brengen, sijn de gemene borger verdaget, daervan verstendight, mitsampt wes sich van anvanck togedragen, de welcke den genomenen antwort (den voersz. commissarien voerhen gegeven) verstaen, hebben den selven approbeert ende voerts geloefft, B. ende R. mit lijff ende gueth bij te staende.
A prandio neffens den heer stadtholder ende de voerige heren commissarien upten raedthuyse verboedet, om der stadts endtlick affscheydt tanhoerende, hebben des tdoende affgeslagen, veerdich sijnde te verreysen, weshalven de heren borgermesteren mitten syndicus ende twe uuth den Raedt, één taelman ende bouwmester hebben em tantwordt in der herbergen inbracht ende sijn stracks daerna weder na Winshem verreyset.
Nota, dat alle dese beleydinge van der saecke den van de Staten ende sijne Exell. neffens den van den Secreten pertinentelick togescreven, woe uuth des heren syndici acta mach blijcken.
Auteursrechtelijk beschermd