Dinxsdach 1 Julii 1578.
Wij B. ende R. der stadt Groeningen doen u ondergeschr. to wetende, also ghij u mit ende neffens den erntfesten onsen amptman aldaer buten Wynschote, lijff ende guedt to bescharmende tegens den ankomenden viant, in der schants nedergeslagen ende dan daertho besundere sorge ende toversicht, oeck ghoede ordinantie moet upgericht ende onderholden worden, bevhelen wij u daeromme ende gebieden bij pena 50 goltgulden ende de tofaert, dat een iider van u in tochten, wachten ende anders na de selve ordinantie sich dragen ende holden sall ende in alles den erntfesten borgermester Herman Clandt, onsen amptman, als oeverste mit sampt den verordenten hoptluyden ende bevelhebberen elck int sijne guedt gehoer gheven ende getruwlick bijstaen, als vroeme eerlycke mannen eget ende behoert te doende, allent bij lijffs straffe ende anders, als in der ordinantie ende den artyckelsbrieff begrepen sall sijn, daer sich een iider mach weten na tho richtende. Scriptum onder onss signete den 5en dach Julii 1578. Allen ende iideren inwoeneren ende onderdanen der Oldenampten, man bij man, sampt ende sunderlyck.
Auteursrechtelijk beschermd