Diarium van Egbert Alting 1553-1594

Vrijdach 4 Julii 1578.

B. ende R. laten weten ende gebieden, dat nemant in der stadts verhuyrde grafften ende wateren sall mit angell offt netten visschen, telcker reyse bij vijff marck to broecke, onnalatich aff to nemende, daer de anbrenger den darden part van genieten sall.

Wij B. ende R. in Groeningen doen kundt ende bekennen mit desen openen breve, dat wij mitter Swoerne Meente ende bouwmesteren van den ghylden voer ons ende onsen nahkomelingen hebben accordeert ende togestaen Wessel van Munster, den wullenwever, een vulle windtmoele tot der gemene borger geriif te

[p. 428]

moegen uprichten ende staende holden up de oesterzijdt van Marwijckspijpen an der stadt bolwarck tegensover van Ulentoern, mit dem beschede, offt vellichte de voers. moele ende spoelinge der laeckenen aldaer inkumpstigen tijden der stadt hynderlyck offt schadelick muchte bevonden worden, sall Wessell offt sijne arffgen. ende nakomelinge alsdan geholden sijn, de voersz. moele weder aff to breken ende hen to slijtende.