Diarium van Egbert Alting 1553-1594

Saterdach 28 Februarii 1579.

Verclaert, dat Christoffer Berendts (den de saecken selffs am besten bewust) sich sall mit sijn eedt ende waerheit moegen purgeren, midts up iider des Christoff Bottichern (gewesene cantzlers) angebodene artiickell durch ja edder neen behoerlijken to antwoerdende.

1.	In den eersten off Christoffer Berendts oeck den Christof Botticher (gewesene Lijfflandisschen cantzler) tho Koeningksberge gekandt hebbe.
2.	Offt he oeck etwes van em wethe ende woe.
3.	Item off gemelter cantzler hem Berendts oeck mit frundtlycke onderhandlinge tusschen hem ende Jost Gruben gedienet.
4.	Offt oeck de vorsz. cantzler gedachten Christoffer Berendts mit suppliceren edder schryfften gedienet an furstl. durchleucht tho Preussen in lossgevinge des vierden pennigks up de entfangen bearffschaft sijns broeders Andressen.
5.	Item off der cantzler voerg. hem Berendts oeck in enigen dingen gedient off etwes behulplick gewest.

Alsus beyden parten voergelesen upten 9 Martii 1579.

Om voer u hoechwijsen,..... B. ende R. in Groeningen int corte to beantwoerden de nulle, nichtige articulen, bij Christoffel Bottiger Willem Mellens principael......^a).

Up den veerden artickel segge ick, neet waer tho sijn, mer hebbe daertho gebruicket eenen genaempt doctor Wulff, daer ick den vorsz. doctor tein daler tott salarys voer hebbe gegeven unde andere geschencken.......

Alsus overbracht den 8 Aprilis 1579, vide ibidem.

a) Christoffer Berendts ontkent. Uit de tekst is alleen zijn antwoord op het vierde artikel overgenomen.