Diarium van Egbert Alting 1553-1594

Saterdach 31 Decembris 1580.

Derwijlen Steven Willems, een borgers soenen wesende, den viant na sijn egen confessie tegens dese stadt gestarcket ende buten sRaedts verloff hiir weder ingekomen ende derwegen wall in swaerder straff ende peene vervallen, so ist dennoch dat de heren geswoern tegenwoerdich gedachten Steven ditmael sijner junckheit halven ende anders begenedigen, midts dat he sall upbrengen ende betalen de summa van 200 emder gl. ende deser stadt ende stadtsjurisdictie ende gebiede ontwaert sijn tot sRaedts wederseggen^a).

B. ende R. mit de samptlicke geswoernen begeren hartlick, dat u l. tot denst Con. Mat. ende walfaert Stadt ende Lande willen guedtwillich zijn ende verstrecken den tijdt van ongefeerlick 6 weecken de summa van 50 daler, deselve weder te betalende van sodane twe jaertaxen, als rhede daertho beraempt ende verwillight sint. 12-31-80. Alsus an den borgeren gesent.

De heern stadtsgeswoernen accorderen Joachim Panser, van der poorten entledight tsijnde ende in plaets van diere in sijner behusinge tot sRaedts wederseggen te verblijvende ende ghene correspondentie mitten vijandt van Con. Mat. ende deser stadt tholdende, schryfftlick noch mundtlick ende hiirup sijnen eedt ende lijfflycke handtastinge tdoende.

a) In margine staat: Geleyde vergunt. Vide den 18 Octobris 1581.