Diarium van Egbert Alting 1553-1594

Sondach 11 Martii 1582.

Reynt Alberda, Willem Ubbena, Joest van Cleve, Assuerus Munsterus ende Willem Drewes, die nu over twe jaer upt rechthuys mit anderen angeholden west, sint verleden nacht van daer ontkomen²⁾ ende voert desen namiddach binnen Embden erschenen. Nota, dat Luyrt Huynge daer gebleven ende van der affkumpst vant hues der voersz. neetz gewetende, als int butenruym sijn nachtrust gehadt. Item Derck Schaffer, Albert Hoernken, Luloff Roeleffs sijn all bevoerns, vermidts oer swack- ende kranckheit vandaer in hoer huysen verlovet west, als oeck Hinrick Buttel, de nochtans sijn woert quelick geholden ende weder omtrent Scharmer durch den wachtmester achterhaelt gewest.

Hiirup sijn hoer frouwen, mageden, frunden ende bewanten ernstlick onderfraght ende examineert, alsmede de de schildtwacht geholden, oeck ander middel om de waerheit te verforschen angewanth ende erkundight, dat se de slotelen bij

2) Zie Eppens I blz. 342 en Rengers II blz. 234.

[p. 553]

den ropers negligentie in was affgedruckt ende to Embden durch Willem Drewes dochter maken laten, de mede vanhiir vertogen.

Dat Nijenorth tho Meppel mit 6 vendell tho schepe angekomen.