Diarium van Egbert Alting 1553-1594

Dinxsdach 19 Junii 1582.

Stadtmeyeren begeren de helffte van de huyre quijdt, hebbe enige dit verleden jare an schattingen, serviiss, leheninge ende anders starck 800 embder g. uutgekeert ende upgebracht. Sullen sich bij den rentemester erfuegen.

[p. 561]

Dat Hinrick van Delden doer gebreck van leheninge sijn knechten up te huysluyden gequarteert, Mulerts volck mit uuthlopen groten schaden gedaen. Anderen van gelijcker intentie.

Dabt van Selwert accordert, sijn selffbrouwen beer sunder cijss mit een vrij teken na sijn convent tdoen uuthfueren, daer selffs van sijn conventualen gedroncken te worden.

Der superintendent Verdugo van Lingen doer tOldampt hiir ad secundam pomeridianam angekomen, de disordre der soldaten soe voel moegelick tho remedieren, woe sijn Gestr. den 4 heren borgermesteren, de em wellekoem geheten, tot vertroestinge angesacht, alsmede dat geldt in ankumpst voerhandtz.