Wondsdach 20 Junii 1582.
Eclypsis solis a 4 ad med. 6 et mox orta ex adverso nubes cum pluvia.
Na Luythien Eminge, wantscheer, (de anno 57 oldermans ende ghyldtrechtsdiener geworden) in den Heren gerustet, is sijn dochters man Hynrick Baeck, snijder, weder durch den olderman ende Ghyldtrechte in des verstorven plaetz tot diener daerselffs erwhelet ende genomineert ende volgendtz durch anlangent van den vrunden des Ghyldtrechts vorgen. bij een erb. Raedt ratificeert ende in den vorsz. denst ende boodeampt bestediget geworden.
Nota, dat dese electie ende ratificatie oeck also voermaels gescheet ende onderholden west, woe daervan berhedung gedaen.
Joest Walraven, lieutenant des banreheren van Anholdt etc., der soldaten beschehene moetwille ende fulen halven sich mitlijdich und volgendts tselve to remedieren verclaert ende erboeden, mede om antwort sijner laestmaligen overgegeven supplication, de erledigung der dren gevangen Entens tegens den gevangen Schengk belangende, ersocht und begert ummer tot verlichtung van Schencks rantzon. Mit de van den Lande te communicerende.
Een verndel jaerschattinge int Woldtoldtampt uuth te scrijvende tot versett van sodane 224 embder gl. als Joest Walraven, lieutenant des banderheren van Anholdth, mit sijn peerden ende bijhebbende volck in etlycke dagen verteert gehadt in den convente van Hilligerlehe.
Johan Knotte suppliceert an L., H., B. ende R. mit de verordenten van Stadt ende Lande voer sijn zoenen Albert Knotte, ydtz up Uuthuser Watt apprehendeert ende durch Hinrick van Delden gevencklick angeholden. Vordert 500 leuwendaler voer rantzoenen.
Is per patrem verscreven, sich tegens den heren lieutenant offt anderen, overticht van Embden herwertz overkomende, in den besten tho verdegenen. Dyt mede mitten heren superintendent Verdugo te versprekende.
Auteursrechtelijk beschermd