Maendach 5 Novembris 1582.
Doctor Westendorp wegen den heren Verdugo voergedragen, van enige ruter upten Drenthe tleggen, daer selffs haver ende hoy up zijnen costen tbestellende. Is affgescreven als ondenstlick ende Stadt ende Lande nadeelich.
De ordinantien upten wacht ende incomelingen ende anders dienangaende bij den heren vernijet.
Item, dat de poortsluters ende boomsluyters elck hoer slotelen van de 4 poorten in des borgermesteren handen brengen ende smorgens vandaer weder mitten wachtmester halen sullen, oeck neet open sluten, voerdat alle de verordenten upter wacht tegenwoerdich.
Des sullen de bouwmesteren der ghyldesloeten selffs verwaren ende an der ende van der poorten brengen, gelijcken van des Raedts sloten voergen. Des middages salt staen bij den verordenten voer der poorten van der wacht.
Item een raedtman mit 1 S.M. in iiders clufft verordnet, om mit eenen diener ende scrijver om te gaen van huys tot huys, der incomelingen namen pertinentelyck te bescrijvende.
Auteursrechtelijk beschermd