Vrijdach 14 Augusti 1587.
Na beschehener besichtinge ende na der dijcken ende plaetzen gelegentheit sehen B. ende R. deser tijdt voer gueth an, dat men den olden dijck allnoch sall erstlick wederomme mit manner macht repareren ende up maken ende bij so veer Oterdum midlerwijle neet eroevert eder verlaten, sodat men den zeedijck sol gefuechlick moegen weder upmaken, sal alsdan de voergenomene nije dijck int voerjaer mit ernste angevangen ende vulmaect worden, so ende als des Raedts verordenten de anwijsinge ende affbaeckinge daer alsdan doen sullen, tot welcker reparatie ende upmakinge des olden als oeck des nijen dijckes mede helpen ende gelden sullen alle deghene, so hoere landen doer sodane vorsz. olde ofte nije dijcken vordel ende proffijt oft schade ende hinder sullen hebben ende genieten moegen; des sal de erb. amptman Aysso Phebkens tho Warthum als principael hoeft ende upsehener tot ende over alsulcke warcken der dijcken voergen. van den heeren ordineert ende vulmechtiget wesen, mitten welcken de andere vrunden hoer communicatie ende raedtslach sullen moegen holden ende gebruycken. Alsus den vrunden behandight.
Auteursrechtelijk beschermd