Het gulden cabinet van de edel vry schilderconst

Michiel Lane
Plaedt-snijder van Parijs.

DIe een plaedt van Michiel Lane

Heeft voor sijne ooghen staen,

Die siet weer een nieuwe baene

Die de jeught wel in mach gaen,

Door de wondere secreten

Diemen speurt in sijn eel werck,

Wie dan tracht dees' Konst te weten

Nempt daer op vry oogh-ghemerck.

Iongh' en teere Leere-linghen

Vande plaedt en etser Konst

Teeckent vry naer Lane's dinghen

Want zy zijn met loff bejonst.