Leven van Sinte Christina, de wonderbare. In oud-Dietsche rijmen, naer een perkementen handschrift uit de XIVde of XVde eeuw

In oud-Dietsche rijmen, naer een perkementen handschrift uit de XIVde of XVde eeuw

[fol. xvijr]

Wiedwijs dat olie vloyde van haren borsten.

Nochtan dat dit al was ghescied,
soen lieten noch sustre noch vriende af niet;
maer als si quam weder, ginghen sise vaen
ende in een hultenen bloc vaste slaen,
ende ginghense met banden vaste binden,
om dat si de cracht haers geestes kinden,
ende gaven haer tetene, als meneghen was cont,
broet ende water, als eenen hont…
Ende om dat God woud tonen sijn macht,
ende in der miraclen de groetheit fier cracht,
ende dat mens vermanen soud verre ende wide,
so liet hise doghen tenen tide,
als hi al sinen vrienden doet,
alst hem dunct tijt end hen es goet.
Want het geviel also daer mede,
dat scoudren, linden, ende ander haer lede

[fol. xvijv]

 

verweerden ende verherden als een hout,

 

verrotten ende hadden leet menechvout;

 

so dat si daer af leet wee so groet,

 

dat si nien conste geeten haer broet.

635

Als haers sus nieman en woud ontfarmen,

 

ontfarmde de gene haers, die den armen

 

es ter noet een toeverlaet.

 

Hi dede aen hoere een lijflec daed,

 

ende toende aen hoere dat teken, ende die

640

miracle, dies gelijcs dat nie

 

op ertrike en was vernomen te voren,

 

sint dart Cristus was geboren:

 

haer maeghdelec borste, die droeghe waren,

 

begonsten te vloeyene van alte claren

645

olien, daer si met, doer de noet,

 

cumdde ende weicde haer droghe broet.

 

Dat was haer salve, daer si mede

 

bestreec haer wonden ende haer lede

 

die verrothden; ende oec was dat

650

pulment ende spise die si at.

 

Als dit saghen beid sustre ende vriende,

 

dat hare hoer God so wonderlec diende,

[fol. xviijr]

 

begonstense te wenene ende maecten groet seer,

 

ende en wouden Gods wille niet meer

655

in haren miraclen wederstaen;

 

maer loestense van den banden saen,

 

ende vielen neder op haer knien,

 

ende baden haer genade van dien,

 

dat si haer pijlecheit hadden gedaen,m

660

ende lietense vri ende ledech gaen.