Die Darfelder Liederhandschrift 1546-1565

[p. 90]

Nr. 32aant.

Eyn Ander

I.
Untlovet is der walde
gegen diesen wynter kaldt,
beroefft werdt ich so balde,
myns schones lieff mackt mich alt;
das ich die schoinst moiß myden
die mich gefallen duet,
⁺ brengt mich in | heymelich lyden,
dairzu eynen swairen moit.

II.
Hertz lieff, laiß dich niet affen,
der falsche kleffer sint vele;
halt dich gegen mir rechtschaffen;
trouwlich ich dir loenen will,
heut dich vur falsche zungen,
dairauff sy woll bedacht,
des sie dir zu lieff gesungen
zu hondert duysent gueder nacht.

III.
Wat leitz du mir zu letzen,
du schoenes bruns meglin?
eyn hertz waill sunder smertzen,
gheyn liever dan eyn.
dair mit will ich van hynnen,
waill durch das groine wait,
dair findt men mengerleye
so mennich bloemkenn blouw.

+ Bl. 33 r^o