De Psalmen Davids, ende ander lofsanghen
(2010)–Petrus Datheen[p. 180] | |
Ghebedt voor krancke, ende aengevochten menschen.NAe datmen den krancken vermaenet heeft + van wien de kranckheiden ende allerhande allendicheit komt, naemelick van Gode, Ende dat* d'oorsaecke der seluen is de sonde, die + doer Christum wederom weghgenomen is, den genen die aen hem * gheloouen, ende dat het hen daerom alles ten besten + moet dienen, So moetmen oock voor hem bidden, nae de leeringhe Iacobi *.
Daertoe sullen dienen dese ofte diergelijcke ghebeden. | |
[p. 181] | |
O Almachtige, Eewige ende gerechtige Godt, ende barmhertige Vader, die ghy een+ Heere des doots ende leuens sijt, sonder* wiens wille niet en geschiedt, noch in den hemel, noch op eerden, Hoe wel wy niet weerdigh sijn uwen naeme aen te roepen, noch te verhopen, dat ghy ons sult verhooren, als wy aensien hoe wy tot noch toe+ onsen tijdt ouergebracht hebben, wy bidden v, dat ghy nae uwe barmhertichheit wilt aensien in't aenschyn Iesu Christi, die all onse* swackheit op hem ghenomen heeft, Wy bekennen dat daer niet in ons is, dan+ geneightheit tot den boosen, ende onbequaemheit t'eenighen goede, Daerom wy oock dese* straffe, Iae noch veel meerder verdient hebben. Maer Heere ghy weetet, dat wy v volck ende ghy onse Godt sijt, Wy hebben tot niemandt toevlucht, dan | |
[p. 182] | |
alleen tot uwe+ barmherticheit, die ghy noyt niemanden geweyghert hebt, die sick tot v bekeert heeft. Dies bidden wy, dat ghy onse sonden niet wilt toerekenen, maer rekent ons toe* de wysheit, gerechticheit ende heylicheit Iesu Christi, Op dat wy in hem voor v bestaen mogen. Verlost ons om synent wille wt desen lyden, op dat de boose niet ghedencken, dat ghy ons verlaeten hebt. Ende so het v belieft ons langer also te oeffenen, so geeft ons gedult ende sterckheit, sulcks alles nae uwen wille te draegen, ende laet het ons alles nae uwer wysheit+ ten besten komen. Castijdt ons lieuer hier, dan dat wy hiernae met* der weerelt souden moeten verloren gaen. Geeft ons dat wy deser weerelt ende al wat+ eerdsch is mogen af steruen, op dat wy dagelicks nae dat euenbeeldt IESU Christi meer ende meer* verniewt werden. Laet ons doer | |
[p. 183] | |
gheen dingh van uwer liefden+ af gescheyden werden, maer treckt ons daeghelicks meer ende meer tot v, op dat wy d'eynde onses* beroeps met vrueghden aenueerden mogen, d'welck is, met Christo te+ steruen, te verrijsen, ende in eewicheit te leuen Wy gheloouen oock, dat ghy ons verhooren sult door IESUM Christum, die ons aldus heeft leeren bidden:
Onse Vader, etc. Sterckt ons oock in't rechte gelooue, d'welck wy van herten, ende met den monde belyden:
Ick gelooue in Godt, etc.
Ofte aldus:
Eewighe, barmhertighe GODT ende Vader, die eewige salichheidt der leuenden, ende dat eewigh leuen der steruenden, Nae dat ghy+ doodt ende leuen alleen | |
[p. 184] | |
in uwer handt hebt, ende sonder ophouden also voor ons* sorget, dat noch gesondtheit, noch kranckheit, noch eenigh goedt ofte quaet ons kan toekomen, Iae gheen haer van onsen hoofde vallen, sonder uwen wille, dat ghy oock uwen geloouigen alle dinghen t'haeren+ besten wendet, Wy bidden v, verleen ons die genaede uwes heyligen Geests, dat hy ons leere onse allendicheit recht bekennen, ende geduldighlick uwe castijdinge verdraegen, die wy* thienduysentmael grooter verdient hebben. Wy weeten, dat se ons niet sijn teeckenen uwes toorens, maer uwer+ Vaderlicken liefde teghen ons, op dat wy met der* weerelt niet verdoemt werden. Vermeerdert o Heere ons gelooue, doer uwe oneyndelicke barmherticheit, op dat wy Christo langhs so meer+ ingelijuet werden, als lidtmaeten haeren gheestelicken hoofde, welc- | |
[p. 185] | |
ken ghy ons in* lyden ende heerlickheit ghelijck maeken wilt. Verlicht dat kruys, nae dat het onse+ swackheit verdraegen kan. Wy onderwerpen ons* gantschelick uwen wille, t'sy dat ghy onse sielen langer in deser hutten wilt laeten, ofte+ tot v in't eewigh leuen nemen, Ouermits wy Christi eygen sijn, ende daerom niet moghen vergaen. Wy willen* gheern dit swacke vleesch verlaeten, in hope der saeligen+ opstandinghe, daer ons dat selue veel heerlicker sal wedergegeuen werden. Geeft ons te gheuoelen, den saligen troost der* vergeuinghe der sonden, ende der+ rechtueerdighmaekinghe Christi, op dat wy met dien schildt alle Satans* aenuechtingen ouerwinnen. Laet sijn onschuldich+ Bloet de vlecke ende onreynicheit onser sonden wtveghen, ende syne gherechticheit onse ongerechticheit* verantwoorden voor uwen | |
[p. 186] | |
wtersten oordeele. Waepent ons met gelooue, ende hope, op dat wy niet te schande werden doer eenigh schricken des doots, maer als onse lichaemelicke ooghen duyster werden, dat als dan de oogen des geests op v sien. Ende als gy ons t'ghebruyck der tonghen benomen sult hebben, dat als dan dat herte niet ophoude v aen te roepen. O Heere, wy beuelen onse sielen in uwe handen, wilt ons in onser letsten noot niet+ verlaeten, ende dat om CHRISTI IESU wille alleen, die ons also heeft leeren bidden:
Onse Vader, etc.
Ick gelooue in Godt, etc. |
|