Logo DBNL
Refreinenbundel (1940)

Refreinenbundel

(1940)–Jan van Doesborch–rechtenstatus Auteursrecht onbekend

Vorige Volgende

[LXXXII]

Ende spiegelt v aen mi so doedi wijselijc

Refreyn

 
DOen ic verherdt werde gelijc enen tegele,
 
+ Brekende de weerde wtuercorne regele
 
Van gode ghestelt,
 
Doen sant mi god sijn signet ende zeghele
5
Om dat ick mijn broeders soude zijn een spegele
 
In dit aertsche velt.
 
Tvolc seyt god ist hem sculdich aldus tsijn gequelt; vs. 7:
 
Mijn misdaet seggense bleec te menichfuldich.
 
Mer al heeft god mi betaelt sonder gelt,
10
Ic duchte hi bliuet sulcke seggers sculdich.
 
Tfi, is tvolc om iugeeren so ghehuldich vs. 11
 
Daer deuangelie seyt men sal niemant iugieren.
 
Mer mach ic mijn lijden dus dragen verduldich,
 
Ic hope tsal al mijn misdaet verchieren.
15
Aldus broeders wilt voort an duecht hantieren,
 
So moechdi ontgaen de helsche pine afgriselic.
 
Schwt sonde, laet uwe gheplegen manieren
 
Ende spiegelt v aen mi so doedi wijselic.
 
 
 
V dunct recht dat eertsch is sal ewich gedueren,
20
Mer ghi en sijts versekert iaer dach noch vren.
 
Hoe ghijt keert oft wendt
 
V huys en staet maer op verrotte mueren,
 
Ende ghi hebt so vele schone figueren vs. 23
 
+ Int oude testament
25
Ende dagelicx int nieuwe, tfy blijfdi dus blent. vs. 25
 
Adam is voren met al den sijnen vs. 26
 
Ende ghi sijt omringt van sdoots serpent;
 
Tis tijt, wilt v haest ter beteringen pijnen,
 
Want als v de wolcke des doots sal beschijnen
30
Tmorseel werdt bitter ende onuerdouwelick,
 
Nochtans en baet geen lachen oft grijnen
 
Elc moet dat smaeken al esment verspouwelic.
 
Och broeders, scaemt v te breken v houwelic
 
Want tes een sonde van elcken misprijselic;
35
Neemt weldoen ane, sijt archeyt verspouwelic vs. 35
 
Ende spiegelt v aen mi so doedi wijselic.
 
 
 
Al loopic ter Iordane bi nachte bi dage,
 
Ken vinde Helizeum niet wie dat icx vraghe
 
Ghelijck Naaman dede, vs. 39
40
Dus bliuic geerft aen dese swaer plage
 
Als Maria moises suster, hoort mi behage, vs. 41
 
Verbeydende gods vrede.
 
O broeders die sidt in ghesondichede,
 
De koeyen lopen tuwens al onghebonden;
45
Ghi besoect so menige diuersche stede,
 
+ Ic ducht ghi v dicwils besmet met sonden.
 
Eylacen, dinct op Iheronimus vermonden,
 
Die trompet des oordels altijt hadt int ooren; vs. 48
 
Dus bid ic v, wilt dit vonnisse gronden
50
Ende maect tegen den here uwen pays te vooren.
 
Dinct op die blijscap der inghelen choren
 
Dair de here met glorien de goeden wert spiselic,
 
Wilt vleyschelike begeerten wt v verstoren
 
Ende spiegelt v aen mi so doedi wijselic.
 
 
 
Prince
55
Rechtuerdige prince, hier en is niemant gheblameert
 
Int doene dat ic niemant noeme bi namen,
 
Sachtmoedelic biddende dat hem elck bekeert
 
Ende dat hem douertreders willen schamen.
 
Laet ons dan versamen in des heren temple
60
Ende geuen daer elc anderen goet exemple.

[sluitstuk]

+ [houtsnede]


Vorige Volgende