Ecclesiasticus of de wijse sproken Iesu des soons Syrach. Nu eerstmael eurdeelt ende ghestelt in Liedekens, op bequame en ghemeyne voisen
(1565)–Johan Fruytiers[p. 101] | |
Het XXXVIII. Liedeken op de vvijse, O mijn Ziel danct nv den Heer.
Daer en is gheen wee soo groot// als therten
wee dit selden mist// }
Gheenen listigher aenstoet// dan hier en is der vrouwen list// } Meerder leeren noch be-
nijen// Dan tgheen dat wt afgunst rijst//+
Oock gheen wraec tot gheenen tijden// Dan het +
seer felle bestrijden// als d'een viant
d'ander spijst// met wrake die hy hem bewijst.
Gheen hooft soo schalck gheboren
Als het hooft der slanghen,
Daer en wert ghen booser toren +
Dan van vrouwen ontfanghen,
By den leeuwen oft den draken
Waer van my lieuer ghewoont,
| |
[p. 102] | |
Dan dat ick sou gheraken
By een wijf diemen siet blaken
In haer boosheyt die sy toont,
[Waer in sy haer selfs meest hoont.]
+ Wanneer sy boos sal werden
Dan verandert haer ghelaet,
Soo mismaect is haer volherden
Als een sack die leelijck staet,
Huer man moet hem haerder schamen,
En wanneer ment hem voorleyt
Soo doetmen dit altesamen
Int hert wee: tis oock sijn blamen,
Dit quaet wort van my beschreyt.
En onder veel quaets groot gheseyt.
+ Een clappeye sonder schande
Die rust, wilt ontwroeten,
Is ghelijck een wech van sande
Voor een outmans voeten,
Hoe wel ghy haer schoone siet
En laet v niet bedrieghen,
En begheertse daerom niet,
Is sy rijck, als dan gheschiet
Verachtingh, tsal niet lieghen,
Versmaetheyt sal wt haer vlieghen.
+ Die hier heeft een boose vrouwe
Heeft een truerich herte,
T'welck beseten is met rouwe
Leet druck pijn en smerte,
Een wijf daer de man tgheender uren
By en heeft van vruecht ghewin,
Dese maeckt door sulcke curen
+ Dat de man nerghers can duren,
Tot gheen dinghen gheeft hy sin,
[Sulcx eynde volght na het beghin.]
Van een vrouwe coemt de sonde,
Om haer moeten wy steruen,
Soomen twater diep van gronde
Sijnen loop doet deruen,
| |
[p. 103] | |
