Archives ou correspondance inédite de la maison d'Orange-Nassau (première série). Tome III 1567-1572

* Lettre CCCXXXIX.
Le Prince d'Orange au Comte Jean de Nassau. Sur les excès des gueux de mer et l'inconduite du Seigneur de Dolhain.

Monsieur mon frère. Ayant hier après vostre partement d'icy receu certain pacquet d'Angleterre et de Frize, j'ay entre aultres veu, par ce que Monsieur Dolhain et le licentié Basius m'escripvent, que quelque peu auparavant leur arrivée en ces quartiers-là, mes batteaulx sont esté partiz vers Angleterre, ayans premièrement à l'embouchure de la mer de nouveau laissé périr leur Admiral³ et

3 vaisseau-amiral.

[p. 364]

⁺trois aultres grans batteaulx, par leur nonchallance, yvroingnerie et grand désordre, à ce que je voys assez par les lettres du dit S^r Dolhain mesmes, lequel toutesfois samble d'en faire assez peu de cas, par ce que, comme il dist, la plus part de l'artillerye et aultre munition y seroyt esté sauvé. De luy il est demeuré à Embden, et quelques remonstrances que le dit Basius et aultres luy ayent sceu faire ne l'ont toutesfois sceu induyre pour le faire aller vers ses batteaulx affin d'y mectre l'ordre requiz, l'ayant refusé plattement, jusques à dire qu'il n'en feroyt rien, combien que je le luy commanderoys. Le dit Basius m'escript davantaige fort amplement de tout ce qui s'est passé entre le S^r Dolhain et luy, et comme jusques oires¹ il ne l'ayt sceu faire condescendre à luy rendre ses comptes, mais que estant de retour à Couloingne il le ferat. Par quoy ne voys mellieur moyen sinon, puisqu'il a refusé de prendre le chemin devers ses batteaulx, qu'on le mande icy pour la reddition de ses comptes⁽¹⁾, avecq les mellieures inductions que faire se pourra. D'aultre part j'ay receu une lettre de M^r le Cardinal de Chastillon du dernier de Janvier, et deux aultres de M^r de Lumbre, l'une du 3 de janvier et l'aultre du 5 de febvrier dernier, mais pour estre la lettre de M^r le Cardinal en partie escripte par cyffres et que je n'ay point le contrecyffre, je ne l'ay peu entendre, mais j'envoye par le pacquet cy-joinct le double d'icelle à M^r d'Aussonville², affin qu'il m'envoye le cyffre, et que tant plustost j'en puisse

+ 1570. Mars.

1 oire, aujourd'hui.

(1) comptes. Il vint à Dillenbourg; mais la reddition de comptes fut peu satisfaisante: ‘Hy leverde hem alleen over sekere memorie van 500 dalers die hy seide uitgegeven te hebben.’ Bor, 290^a.

2 d'Ossonville.

[p. 365]

⁺faire responce à M^r le Cardinal. Parquoy vous prie de faire tenir le dit pacquet au docteur Junius, avecq la lettre y joincte au docteur Wolff, pour l'envoyer aussytost que faire se pourra au dit S^r d'Aussonville. J'ay faict faire extraict des nouvelles contenues es dittes lettres, dont, avecq les miennes, j'envoye le double à M^r l'Electeur Conte Palatyn.. De Dillenberch, ce xv^e mars.

Vostre bien bon frère à vous faire service,

Guillaume de Nassau.

A Monsieur, Monsieur le Conte Jehan de Nassau, mon bien bon frère.

+ 1570. Mars.