Archives ou correspondance inédite de la maison d'Orange-Nassau (première série). Tome V 1574-1577

Lettre DXXVII.
N. Brunynck au Comte Jean de Nassau. Négociations avec le Comte d'Ost-Frize.

Monseigneur, retournant dimenche dernier en ceste ville, j'ay trouvé bien à propos ung messaigier tout prest pour aller en Hollande, par lequel je n'ay failly, suivant le commandement de v.S. d'escripre et advertir son Exc. aucunes des choses principalles qu'il avoit pleu à v.S. me donner en charge, combien que, pour la haste que le messaigier avoit de s'en aller, je ne pouvois mander à son Exc. le tout si amplement que j'eusse bien désiré et comme pour la conduicte des affaires de son Exc. il est bien requiz; mais pour y satisfaire, je ne fauldray de dépescher ung aultre homme exprès vers Hollande d'icy à deux ou trois jours.

Je n'ay trouvé M. de Breyl en ceste ville, d'aultant qu'il estoit malade en sa maison de Vyssenich¹, à ungne grande lieue d'icy, où je le suis allé trouver hier, et commençoit à se

1 Fischenich, au S, O. de Cologne.

[p. 105]

⁺refaire et repprendre sa première santé, et toutesfois n'oseroit encoires d'icy à quelques jours sortir la maison. Je luy ay faict ample rapport de tout ce que v.S. m'avoit commandé, et l'ay trouvé bien déliberé de faire tout ce qu'il plaira à v.S. luy commander pour le regard du voiayge vers Emden, mais il ne trouve aucunement convenir qu'il iroit à Dillenbergh, pour les raisons que v.S. entendra par ses lettres cyjoinctes, ayns luy sembleroit mellieur, quant il sera refaict, d'aller trouver v.S. en quelque aultre lieu ou place que v.S. luy vouldra assigner, ou que v.S. luy envoye une ample instruction avecq lettres de crédence ur ce servantes, selon lesquelles il se pourra rigler. Il insiste fort de practycquer le mariaige de Mademoiselle la Contesse vostre soeur avecq le Conte Jéhan d'Oistfrize, et luy samble que cela seroit l'unicque moien d'employer puis après le dit S^r Conte en tout ce qu'on vouldroit, comme je croy que par sa ditte lettre il escript à v.S., laquelle lettre, avecq ceste, j'ay bien voulu envoyer à v.S. par ce porteur exprès, afin que v.S. se puisse selon cela rigler comme par sa prudence elle trouvera convenir, puisque v.S. sçait maintenant l'intention de son Exc. et a veu toutes les mémoires que j'ay apporté sur ce faict, aussy que c'est à v.S. seul auquel son Exc. se repose, et sur lequel son Exc. a tout son espoir et confidence après Dieu, estant aultrement son Exc. abandonnée de tous les hommes d'Allemaingne, et toutesfois Dieu ne délaissera jammais son Exc. ny v.S., mais viendrez encoires au boult de toutes adversitez avecq grand honneur et réputation. Il plaisra à v.S. faire entendre au dit S^r Briel vostre intention, et comment il se pourra rigler. La chose est de fort grande importance, et l'ennemy est après pour

+ 1574. Décembre.

[p. 106]

⁺s'emparer de la place, s'il peult. M^r de Breyl dict qu'il n'a nul argent pour faire le voiayge et le Sieur Isaäck Leeuwenharter sera bien content de le desbourser, moiennant qu'il ait une ordonnance de v.S. par laquelle v.S. luy vueille commander de donner aultant au dit Briel, comme v.S. pensera qu'il pourra despendre, afin que la chose soit tant mieulx authorizée vers son Exc. et les Estatz.

J'envoye à v.S. le double de la lettre que son Exc. a escript au Roy de France, ensemble les pointz principaulx⁽¹⁾ des choses que par charge de son Exc. j'ay rapporté à v.S. et sur lesquelles son Exc. désire entendre la délibération et résolution de v.S.

Monsieur le Conte de Nuenar est party de ceste ville lundy dernier, qui estoit avant-hier; je luy ay délivré les lettres de v.S. mais ne m'a rien dict, seullement que, quant à l'Espaignol prisonnier à Dillenberch, il n'a jusques icy peu sçavoir sa qualité; s'il entend quelque chose, il en advertira voluntiers v.S.

Il n'y a encoires nul messaigier venu d'Hollande, et n'avons présentement aucunes nouvelles dignes de v.S.

Monseigneur, baisant bien humblement les mains de v.S., je supplieray Dieu octroyer à v.S. en santé heureuse et longue vie. Escript à Couloingne, ce xv^e jour de décembre 1574.

De v.S. bien humble et bien obéyssant serviteur,

Nicolas Brunynck.

A Monseigneur,
Monseigneur le Conte Jéhan de Nassau, de Catzenellenbogen, etc.

+ 1574. Décembre.

(1) points princ. Voyez n,^o 521^a.

[p. 107]

⁺Le 17 déc. Brunynck écrit, de Cologne, au Comte Jean de Nassau: ‘Monseigneur. J'ay devanthier escript à v.S. par homme exprès ce que j'avois besoingné avecq M^r de Breyl sur l'affaire qu'il avoit pleu à v.S. m'encharger, et j'attens sur tout la responce et le noble commandement de v.S. pour selon icelluy me rigler... Son Exc. m'escript aussi de diverses choses en responce de mes lettres que je luy avois auparavant envoyé, et afin que v.S. sçaiche ce que son Exc. m'escript sur le faict d'Emden et de l'Evesque de Liège, j'ay bien voulu envoyer à v.S. ung extraict⁽¹⁾ de mes lettres... Les Espaignolz ont quitté la Haye et toutes les aultres places qu'ilz tenoyent encoires jusques prez de Harlem.’
Et le 18 déc. ‘Monseigneur Vincent Ghyer⁽²⁾ s'en vient journellement icy importuner le Sr Isaäck Leuwenharter pour avoir de luy payement de noeuff cens Dalers à luy deuz à causse des armes qu'il a livrez au dernier voiayge de Monseigneur le Conte Louys de Nassau, frère de v.S. et Leeuwenharter escript présentement sur ce à v.S. afin qu'il plaise à icelle faire dresser le susdit Vincent Ghyer, ou du moins luy donner addresse vers son Exc. et M.M. les Estatz d'Hollande...’ (MS).

+ 1574. Décembre.

(1) extrait. Voyez la Lettre 525.

(2) V. Ghyer. T. III. p. 333.