Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 90]
[p. 90]
Ga naar tekstkritische notentekstkritische noten

XXIV.

 
Die vogele singhen clare
 
Ende die bloemen openbare
 
Malden ons den tijt
 
Die tiersten al te male
5[regelnummer]
Sweghen ende waren vale
 
Hebben nu groot delijt
 
Dat si den tijt nu hebben weder
 
Daer si so langhe na langhen neder
 
Alsoe met allen vergaen
10.[regelnummer]
Die in node van minnen sijn bevaen.
 
 
 
In gherechter minnen noot
 
Ghesmaect men meneghen doot
 
Dats dat ghelove mijn
 
Dien si gherijnt in hare nature
15[regelnummer]
Dat hi in onghedure
 
Altoes moet sijn
[pagina 91]
[p. 91]
 
Ende in groete ongenade
 
Mine hulpe minne met haren rade
 
Der ghere ben ic een
20.[regelnummer]
Die van der minnen pine hevet in leen.
 
 
 
Wat machmen hem gheraken
 
Dien minne dus hevet verladen
 
Met haerre swaerre waghe
 
Dien si leiddé int beghin
25[regelnummer]
Ende toende groot ghewin
 
Op hare hoghe staghe
 
Ende nu so hevet geworpen neder
 
Dat hi en waent vercomen weder
 
Hen si al onversien
30.[regelnummer]
Bi orewoede van minnen maget gescien.
 
 
 
Wat es de naeste raet
 
Die hier beneven gaet
 
Dien minne dus hevet bevaen
 
Ende gebonden met haren bande
35[regelnummer]
Dat hi hem gheve in hare hande
 
Ende altoos si onderdaen
 
Al den bedwange dat minnen hevet
 
Die eneghe pine van minnen ontseghet
 
Dats openbare in scijn
40.[regelnummer]
Dat hi langhe sal der minnen sonder sijn.
 
 
 
Van minnen benic onder
 
Dat en hevet mi gheen wonder
 
Want si es starc ende ic ben cranc
 
Si doet mi sijns selfs onvri altoes ane minen danc
[pagina 92]
[p. 92]
45[regelnummer]
Si doe met mi dat si ghebiedt
 
Mijns selfs en es mi bleven niet
 
Dies ic rike was te voren
 
Dies benic arme in minne eest al verloren.
 
 
 
Beide vremde ende vriende
50.[regelnummer]
Dien ic te voren diende
 
Benic af ghestaen
 
Ere ende raste hebbic begheven
 
Om dat ic wille leven
 
Vri ende in minne ontfaen
55[regelnummer]
Hoghe rijcheit ende conde
 
Dies mi veran heves sonde
 
Ic en maechs niet ontberen
 
Ic en hebbe el niet ic moete op minne teren.
 
 
 
Ende ic ben nu begheven
60.[regelnummer]
Van alle dien die leven
 
Dats oppenbaer in scijn
 
Ochte ic in minnen
 
Niet en mach winnen
 
Wat soudic dan sijn
65[regelnummer]
Ic ben nu cleine in ware dan niet
 
Ic ben ellendech sine versiet
 
Ic en hebbe raet si moet mi
 
Gheven daer ic bi mach leven vri
 
 
 
Mi doen de vremde wrede
70.[regelnummer]
Soe ongemate lede
[pagina 93]
[p. 93]
 
In dit ellende swaer
 
Met haren valschen rade
 
Sine hebben mijns ghene ghenade
 
Si doen mi meneghen vaer
75[regelnummer]
Want si mi met haerre blentheit doemen
 
Sine connen daertoe niet comen
 
Dat si de minne verstaen
 
Die mijn herte met luste hevet ghevaen.
 
 
 
Die minne wilt vercrighen
80.[regelnummer]
Hine late hem niet ontbliven
 
Hine gheve hem selven der minnen altoos
 
Ende hi sal pinen
 
Sonder finen
 
Omme dat sijn herte coes
85[regelnummer]
Endė gheven hem selven in pine in scanden
 
In leet in lief in minnen bande
 
Soe sal hem werden cont
 
Dat fiere wesen in der minne gront.
[tekstkritische noot]2. oppenbare. - 8. laghen. - 9. Alsoe moet hen allen. - 12. menege.

[tekstkritische noot]23. zwarer. - 37. minne. - 44. mijns selfs.
[tekstkritische noot]48. arm. - 56. verhan. - 60. alle die gene die. - 63. mach winnen. - 67. si en moet.
[tekstkritische noot]75. harer. - 78. bevaen. - 84. pinen. - 85. banden. - 88. minnen.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken