Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Werken. Deel 1: Gedichten (1875)

Informatie terzijde

Titelpagina van Werken. Deel 1: Gedichten
Afbeelding van Werken. Deel 1: GedichtenToon afbeelding van titelpagina van Werken. Deel 1: Gedichten

  • Verantwoording
  • Inhoudsopgave

Downloads

PDF van tekst (0.74 MB)

ebook (2.87 MB)

XML (0.29 MB)

tekstbestand






Editeurs

Jacob Frans Johan Heremans

C.J.K. Ledeganck



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Werken. Deel 1: Gedichten

(1875)– Hadewijch–rechtenstatus Auteursrechtvrij

Vorige Volgende
[pagina 94]
[p. 94]
Ga naar tekstkritische notentekstkritische noten

XXV.

 
In allen tiden van den iare
 
Hoe dat el metten tide si
 
Hevet hi bliscap ende vare
 
Die doget ellende omme minne vri
5[regelnummer]
Ende gherne dan lieve ware bi
 
Omme te zueten sine ellendeghe daghe
 
Dats noch niet en es doet roepen ay mi
 
Dat wesen sal dat cost de claghe
 
Ay ic ben al di lief wes al mi
10.[regelnummer]
Alset di behage
 
 
 
Die minnen wilt hi moet hem geven
 
In hare gewout daer sijt ghebiedt
 
Het si in sterven ochte in leven
 
Daer minne sijn wesen in versiet
15[regelnummer]
Hem wert anders niet
 
Die in vrien troest in bedwonghene vare
[pagina 95]
[p. 95]
 
Die minne goud ye gherne dat si onthiet
 
Met haren claren ware
 
Ay dat de minne helen hiet
20.[regelnummer]
Bringhet hare suetechheit oppenbare.
 
 
 
Mi wondert van sueter minne
 
Dat hare suetheit alle dinc verwint
 
Ende sij mi dus verdoet van binnen
 
Ende miere herte noet soe cleine bekint
 
25 Sie hevet mi soe int wee bewent
 
Dies ic gevoele in caent gheloven
 
Die verhoelne wegen die minne mi sent
 
Die sijnt die mi van mi al roeven
 
Dat gherochte dat hoghe present
30.[regelnummer]
Der nederre stillen doet mi verdoeven.
 
 
 
Hare nedere stille. es onghehort
 
Hoe hoghe gerochte dat si maect
 
En si allene dies hevet becoert
 
Ende die minne in hare al hevet ghesaect
 
35 Ende met diepen gherijnnen so nae gheraect
 
Datti hem al ghevoele in minne
 
Alse sine met wondere alsoe dore smaect
 
Cesseert een ure tgherochte daer inne
 
Ay saen wect begherte die waect
40.[regelnummer]
Met uwen stoerme de inneghe sinne.
 
 
 
Gheneuchte loke wel de oghen
 
Ende plage gherne dies hi hevet
[pagina 96]
[p. 96]
 
Mocht die verwoede begherte ghedoghen
 
Die altoos in woede levet
45[regelnummer]
Want si haer alle uren daer toe ghevet
 
Te roepene ay minne wes al minne
 
Oec wecse redene die haer dat zeghet
 
Sich hier dit steet di noch te volsine
 
Ay daer redene begherte ontseghet
50.[regelnummer]
Dat quetst meest boven alle pine.
 
 
 
Begherte en mach niet swighen stille
 
Ende redene ghevet haer claer den raet
 
Want sise verlicht met haren wille
 
Ende toent haer dat werc der hoechster daet
55[regelnummer]
Ghenoechte name gherne toeverlaet
 
Te pleghene haers liefs in sueter rasten
 
So toent haer redene den hoochsten graet
 
Ende verlaedse metten swaersten lasten
 
Ay hadde ghenoechte dan redene doet
60.[regelnummer]
Si soudse wel cleine bevasten.
 
 
 
Maer daer lief met lieven so vaste gheraect
 
Dat lief van lieven lief niet en mach
 
Gi lief met lieve soe lief dore smaect
 
Dat lief levet lief op lieves sach
65[regelnummer]
Ende redene dan doet wederslach
 
Ende toent der onghewassenheit inne
 
Waer redene ye ghelieve oneffene wach
 
Daer wert ye seerst ghequetst de minnen
 
Ay te swaer es daer de slach
70.[regelnummer]
Daer lief men lief dan lief al kinne.
[pagina 97]
[p. 97]
 
Wat sal ghequetster minnen wesen
 
Hoe mach haer iemen raet ghegeven
 
Wat fisisine salse genesen
 
Die gherne soude der minnen al minne leven
75[regelnummer]
Ende onder redene so wert verdreven
 
Die haer gheet met nuwen storme ane spreken
 
Ende toent hare wat hare es ontbleven
 
Sich hier dit soude di noch ghebreken
 
Ay wie sal mi van minnen gheven
80.[regelnummer]
Raet ende over redene wreken.
 
 
 
Ay wet god dat en mach nieman sijn
 
Die over de redene yet mach wreken
 
Si es selve der minnen fisisijn
 
Si can best heilen al haer gebreken
85[regelnummer]
Die met leste volget al haren treken
 
In allen weghen daer sine gheleide
 
Dien sal se met nuwen wondere aen spreken
 
Sich hier besich dit hoechste ghereide.
 
 
 
illustratie Ay daer en derf gheen vreemt versoenre gaen
90.[regelnummer]
Omme te versoene die vede
 
Ende die dit bekinnen si verstaen
 
Ghenoech van haren crede.
[tekstkritische noot]4. om. - 6. zuetene. - 9. wes my. - 16. Dan in vrien troeste ende in bedwongen.

[tekstkritische noot]18. hare clare. - 21. van der zueter minnen. - 23. en de si. - 24. herten. - 30. Die nedere stille. - 33. becort. - 34. dien minne. - 40. Met nuwen.
[tekstkritische noot]46. mine. - 48. di steet dit. - 58. verlaetse. - 59. doot. - 61. lieve met lieven. - 63. Ghi lief met lieve soe lieve doersmaect. - 64. levet op. - 68. minne.
[tekstkritische noot]75. so uut. - 81. niemen. - 85. liste volget al hare. - 89. darf. - 90. versoenen.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken