Gedichten
(1981)–Willem van Hildegaersberch–
Auteursrechtelijk beschermd
[pagina 25]
| |
Ga naar margenoot+XI. Dit is van beschermen.Ic heb ghehoirt een groet gbeclach,
Dair men vroe te wesen plach
Om tverkeren van een woerde,
Datmen ter werlt gaerne hoerde
5[regelnummer]
Die wijl ment screeff in rechter maten
Volcomelic tot onsen baten,
Sonder sy off sonder mencken.
Doe plaghen die heren wel te dencken
Om hoer ziel ende om hoer eer,
10[regelnummer]
Ende leefden bi so wisen leer,
Dattet Gode was bequaem,
Enter rechter eren naem
Die wort den heren ooc ghegheven,
Die dit woort in horen leven
15[regelnummer]
Minden ende setten voert,
Als ridders oerde toe behoert,
Ende heeft ghedaen van aenbeghin.
Hilden sijt noch in horen sin
Tridderscap an allen zyden,
20[regelnummer]
Twaer een seker toevertiden
Tkersten ghelove, der heiliger kercken,
Diese in rechten souden stercken,
Daer toe weduwen ende wesen,
Die nu staen in sulker vresen,
25[regelnummer]
Dat si en weten wat beghinnen.
Si en connen hulde noch troost ghewinnen,
Ten moet hem costen vanden haren.
Nu isser jammerlijc ghebaren,
Dat dit woort van hogher naem
30[regelnummer]
Is worden aldus onbequaem,
Dat sijt alle moghen haten,
Die nu comen souden te baten,
Hadt sinen rechten naem behouden.
Nu mocht ghi vraghen, by wat schoude
35[regelnummer]
Dat die zaeck is comen toe?
Dat willic u ontdecken hoe,
Entaer toe anders goeden luden.
Dit edel woort in sijn beduden,
Dat is al averecht gaen staen.
40[regelnummer]
Wye heeft ons desen moort ghedaen,
Dat dit woort dus is verkeert,
Daer menich man by was gheëert?
Mar een dieff, diet conste wel,
Off een schalck verrader fel,
45[regelnummer]
Teen van tween moet ymmer wesen.Ga naar margenoot+
Men cant ghespellen noch ghelesen,
Dit woert, alsmen dede te voren;
Theeft sijn recht ghelnut verloren,
Daert van eerst was op ghestelt.
50[regelnummer]
Hoement leest, hoement spelt,
Dair moet een letter an ghebreken,
Die een schalc heeft doerghesteken,
Ende dander letteren hilt te samen,
Daermen twoort by plach te namen.
55[regelnummer]
Des moet den dief noch God verwaten,
Ende alle die werlt machen haten,
Die dese letter heeft ghestolen,
Daer die heren nu om verdolen
Vander rechter eren pat,
60[regelnummer]
Ende worden ghierich om den schat.
Doch den schat en laec ic niet,
Daer gheen onrecht om gheschiet.
Mitten schat ghecrijchtmen eer,
Op datmens niet en mint te zere.
65[regelnummer]
Beschermen was dit woert ghenaemt,
Eer die letter wort gheplaemt,
Die Misericordia bewijst.
Ic wane hi spade in eren rijst,
Die gheen ontfarmherticheit en heeft,
70[regelnummer]
Dair die goede in anxten leeft,
Die hi wel mochte beschermen.
Wat wy claghen, wat wy kermen,
Die M. is uten woerde ghetoghen,
Dat wijs ghespellen niet en moghen,
75[regelnummer]
Als wy hier te voren daden.
Die goede claghen noch die schade,
Datmen die M. moet ontberen,
Wanttet spellet nu Bescheren,
Dit edel woert dair ic off waghe.
80[regelnummer]
Dit hoermen voert an alle daghe,
Nochtan ist een smadelic woort,
Dat nyemant goeders toe en hoert,
Die der eren willen naken
Beschermen dat mach ruste maken,
85[regelnummer]
Dairmen den goeden wil ontladen
Ende beschermen voerden quaden,
Alsmen hier voertijts plach te doen.
Die heren souden wesen coen
Opten bosen te verdriven,
90[regelnummer]
Soe mochtmen die M. weder scriven
| |
[pagina 26]
| |
Ga naar margenoot+Ende maken twoort van letteren neghen,
Dat nu anders is gheleghen.
Men speltet nu mit letteren acht,
Daer langhe tijt is na ghewacht,
95[regelnummer]
Datmen die M. stelen soude,
Op datmen tvolck bescheren woude
Ende plucken dair men mocht.
Nochtan ist een vul ambocht
Bescheren, wye hem soe gheneert,
100[regelnummer]
Hoe veel hi crijcht, hi wert onweert;
Want ten staet op ghenen prijs
Bescheren in alsulker wijs:
Tis met sonden soe besmet.
Beschermen dat heeft God gheset
105[regelnummer]
Als een ridderlijc abbijt;
Beschermen is een wederstrijt
Voir die quaden, die willen rysen,
Om die doecht van haer te wisen.
Hier om ist een woert van eren,
110[regelnummer]
Dat wel betaemt hoghen heren
Ende allen goeden ridderen mede.
Gherechten tuych ende waerhede
Heb ic ghenomen al hier aff:
Die ridder wort op tHeilich Graff
115[regelnummer]
Tot Jherusalem, heb ic verstaen,
Eer hi ridder wort ghedaen,
Doerde een deel van ridders leven
Moet hi loven, ende vergheven,
Is hem misdaen hier op eerde,
120[regelnummer]
Eermen wyet totten zwaerde
Off ridder maect al daer ter stede.
Voert soe moet hi loven mede
Sinen gherechten heer getru te bliven;
Der heiligher kercken recht te stiven
125[regelnummer]
Ende hoer onrecht helpen weren,
Woude hoer yemant daer an deren;
Weduwen ende wesen schade
Die sel hi letten vroe ende spade,
Ende beschermen nae vermoghen.Ga naar margenoot+
130[regelnummer]
Die gheen die daer toe willen doghen,
Dat sijnse diemen ridders slaet
Te leven inder eeren staet.
Houden sijt wel dat si daer loven,
Soe moghen si mit vrou Eren hoven
135[regelnummer]
Achterdien hoer daghen lanc,
Ende God die sels hem weten danck
Ende lonen wel ghetrouwelick.
Ter werlt eer ende ewich rijck
Daer mochtmen gaern billix om poghen:
140[regelnummer]
Hadden die heren dit voir oghen,
Tsoude hem deren dat si saghen
Opten armen onrecht jaghen,
Mochten sijt keren eert gheschiet.
Die armen en moghent keren niet
145[regelnummer]
Al hoer onrecht noch bevechten;
Mar die heren soudent rechten
Opten quaden die misdoet,
Op dat hi quaem in hoer ghemoet.
Waer die ondaghe wort ghespairt,
150[regelnummer]
Dair is tonnosel volc beswairt.
Och, edel M! waer sidi,
Suldi niet weder comen bi
In uwen rechten ouden staet?
Dats een sorchlic toeverlaet
155[regelnummer]
Der heiligher kercken enten armen,
Want u naem beduut Ontfarmen.
Ontfarmen ende gherechticheit
Dat soud der heren ommecleit
Wesen, wouden sy hem selven quiten.
160[regelnummer]
Doen sijs niet, God selt hem witen
Harde swairlic inden lesten,
Daer die mate mitten besten
Recht onnosel sullen staen,
Van horen werken loon ontfaen.
165[regelnummer]
Die hier gherechtich dan sijn bleven,
Hoer loon is daer een ewich leven.
|
|