Gedichten
(1981)–Willem van Hildegaersberch–
Auteursrechtelijk beschermdGa naar margenoot+XVI. Van drien bloemen.Van drien bloemen hoerdic waghen,
Al dair die mensche in sinen daghen
Menighe salicheit mach of comen,
Wilt ghise horen, ic salse u nomen.
5[regelnummer]
Die een die brenct die tarwe roet,
Daer off so maectmen tedel broet;
Die ander bloeme brenct den wijn;
Die derde tvlas; dit donct mi sijn
Die beste bloemen die men heeft;
10[regelnummer]
Want ten is mensche gheen die leeft,
Die lijff ende ziel sel gheneren,
Dat hi die bloemen wel mach ontberen:
Hoir moghentheit is also groet.
God, die uut sijns vaders schoot
15[regelnummer]
Hier beneden wilde comen,
Heeft dese drie bloemen anghenomen.
Tarwenbroot ende wijn,
Lijnwaet moet ter missen sijn,
Selmen maken tsacrament,Ga naar margenoot+
20[regelnummer]
Dat elc priester wort bekent
Inder missen voerden outaer;
Dar boert hi al openbair
Goods vleysch ende sijn bloet,
Dat menich schoen mirakel doet
25[regelnummer]
Noch huden sdaechs tot menighen stede.
Dit sijn bloemen der waerheide.
Tarwe donct mi dbeste sijn,
Daer na prisic den wijn
Ende dat edel linnewaet reen,
30[regelnummer]
Dat mitter sonnen is ghemeen;
Want nyemant en macht maken clear
Dan die sonne, dats openbaer,
Ghelijc die tarwe ende die wijn.
Hebben si niet dat sonneschijn,
35[regelnummer]
Soe bliven si van naturen cranck.
Als die sonne heeft horen ganck
Ende opt hoochste comt anden throen,
Soe schijnt si van naturen schoen,
| |
[pagina 36]
| |
Ga naar margenoot+Dat si verwinnet alle licht,
40[regelnummer]
Soe machmen sien dese heilighe vrucht,
Tarwe bloeyen ende wijn,
Dat vlas tieghen dat sonneschijn,
Elck ontfanghen sijn natuer,
Daer menich aerts creatuer
45[regelnummer]
Blyde om is als si gheraect,
Dese vrucht die God heeft ghemaect,
Want si die werlt al verhoecht.
Soudic volprisen hoere doecht,
Dat wair mi harde onghereet;
50[regelnummer]
Wantmen ons ter waerheit seit,
Datmen leecht op linnenwaet reen
Die hoechste bloeme die ic meen,
Dat is God, Marien soen,
Die is machtich ende was die ghoen,
55[regelnummer]
Die vanden water maecte wijn.
Dus proefic datse edel sijn
Dese bloemen, daer ic off began;
Want hem God der eeren gan,
Ga naar margenoot+Dat si mit hem sijn ghemeen.
60[regelnummer]
Men can ter werlt vinden gheen,
Die beter sijn in minen waen.
Een linnen cleet gafmen hem aen,
Den Heer, daer hi ant cruce hinc,
Die machtich is van alre dinc,
65[regelnummer]
Die moet ons also langhe sparen,
Eer wy van deser werlt varen,
Dat themelsche broet ende wijn
Tot onsen endaghe moet sijn,
Entaer toe een linnen cleet.
70[regelnummer]
Anders en is hem niet bereet,
Coninghen, hertoghen ende graven,
Hoe rijck dat si sijn van haven.
Die dese bloemen heeft int lest,
Ic hoop dat si sijn die best
75[regelnummer]
Ende voer den vyant wel bewaert.
Wy bidden Gode, dat hi ons spaert
Soe langhe, dat wy voerden doet
Dese bloemen hebben inder noot.
|
|