Gedichten
(1981)–Willem van Hildegaersberch–
Auteursrechtelijk beschermd
[pagina 73]
| |
Ga naar margenoot+XXXIV. Vanden goeden vrouwen. aant.Een man diet sulker wonnen steit,
Dat hem een goet wijff is bereit
Mit rechter gunst ter eren waert,
Ist dan een man van goeder aert,
5[regelnummer]
Hi sels hoer dan ghenieten laten.
Ic hoerde een vrou goet utermaten
Claghen, dat si was gheneghen
Gunst tot enen man te dreghen
Voir yemant anders menighen dach;
10[regelnummer]
Oeck hoe hi hoer opt herte lach,
Hi was die gheeu diet luttic achte;
Nochtan beyde si ende wachte
Ende hoopte, tmochte beter werden.
Wye in trouwen can volherden,
15[regelnummer]
Tis reden dat hi wert gheloont.
Men seit, dat hi hem selven hoont,
Die sijn vrienden in doghen laet,
Op dat hi is van sulker staet,
Dat hi hem helpen mach ter noot.
20[regelnummer]
Twaer enighen man te nemen groot
Gunst ende troost van gueden wiven,
Al schietet somwijls den ketiven,
Daer een wijff van sinnen vroet
Al versleghen wort om goet,
25[regelnummer]
Off ander kaerl off plompe doeren,
Die totter eren niet en horen,
Al sijn si een weynich schoen van leden
Off inden mont wat suet van reden,
Datter vrouwen op verdwasen.
30[regelnummer]
Men soude een sot mit bonen azen,
Hi en can gheen wiltbraet wel hantieren:
Hoe soud hi dan mit vrouwen vertieren?
Gheliken enen schamelen man,
Daer wijsheit ende doecht leit an,
35[regelnummer]
Ende gaerne soud in eren rysen,
Die mach vrouwen eer bewisen
Die selve gheen eer hevet in.
Die acht der eren mer noch min.
Twaer een kaerl onwijs te weten
40[regelnummer]
Off by maten dat te meten,
Wat loff den vrouwen toebehoert,
Die bliven in hoer edel woert
Ende van schanden onbescoven.
Men mach mit rechte vrouwen loven
45[regelnummer]
Voer gout, voer schat, voer duer ghesteyne;Ga naar margenoot+
Si maken eens mans herte reyne
Van quaden ghedachten ende van zorghen.
Gheliken als die lichte morghen
Verblyden doet die voghelkijn,
50[regelnummer]
Soe mach een wijflijc beelde fijn
Eens mannes herte doen verwecken,
Dat hi wil ter eren trecken,
Wairwairt dat hi hene vaert;
Want der rechter minnen aert
55[regelnummer]
Wil mit weldoen sijn gheveert,
Des die nydighe niet en gheert.
Die nydighe leit op felle wrake,
Hy vint in weldoen cleyne smake
Noch in goeder vrouwen eer,
60[regelnummer]
Dair om en doech hi min noch meer
Gode noch der werlt ront.
Het mocht wel sijn een reden bont,
Dat hem heyl van vrouwen quame:
Dat doet, het waer hem onbequame,
65[regelnummer]
Hi is den vrouwen al contraer
Ende doet hem dickent groten vaer;
Daer om en heeft hi eer noch loff
Daer die goeden houden hoff,
Ghelijcken dat een minre doet,
70[regelnummer]
Die om prijs van vrouwen goet
Avontuert lijff ende schat,
Ende allent dat hy ye besat
In storme, in stride, in tafelronde.
Wye ter minne draghet conde,
75[regelnummer]
Dien ist leet tot allen tyden
Dat hy vrouwen hoort benyden,
Mocht hijt keren mit bescheide.
Die arch van goeden vrouwen seide,
Hy waer wel waert, datmen hem dede
80[regelnummer]
Lachter ende onwaerdicheide.
Al quam by Even onsen val,
Maria die versoendet al:
Hier om sel een man mit trouwen
Te dienste bliven goeden vrouwen,
85[regelnummer]
Op dat hi reden inne heeft.
Een vrouwe, die hoer daer toe gheeft,
Als ic roerde in mijn beghin,
Dat sy lijff, moet ende sin
Gheneghen heeft tot enen man,
90[regelnummer]
Die hoir dat selve niet en gan,
| |
[pagina 74]
| |
Ga naar margenoot+Dat si wil nemen ende gheven,
Dat is een ongerechtich leven,
Dair in te leven even stijff.
Dus claechde mi dat goede wijff:
95[regelnummer]
‘Ic moet hem volghen die mi vlyet,
Als menighen jagher is gheschiet,
Die twilt ontghinc dat hi opdede,
Ende vincket na ter ander stede.
Wye dat ghedurich blijft int jaghen,
100[regelnummer]
Twilt en cans niet al ontdraghen,
Die honden en treckent som ter neder.
Wonde elck jagher keren weder,
Als hy ten eersten niet en vinghe,
Menich wilt dan wel ontghinghe,
105[regelnummer]
Dat na mit honden wort versnelt.
Aldus ist noch mit mi ghestelt,’
Sprac die joncfron goedertieren,
‘Ic wil al voert sonder faelgieren,
Gheliken als die jagher doet,
110[regelnummer]
Die ymmer twilt verduren moet,
Sel hijt vanghen of gheerighen.
Die wille doet mi dairwaert nighen,
Ic moetet soete mitten suren
Beyde tsamen avonturen,
115[regelnummer]
Tsy verlies of tsy ghewin’
Niet veel woorden meer noch min
Hadde ic mitter joncfron dair.
Ic keerde my ende scheide van hair,
Want sy wilde in enen pas
120[regelnummer]
Ymmer bliven daer si was:Ga naar margenoot+
Daer om en dorstics niet ontraden.
Wye mit minnen es verladen,
Die wil al voert sonder vertoeven:
Dit machmen wel mit reden proeven.
125[regelnummer]
Als wille ende hope staen op yen,
Daer toe ghenoechte onder hem drien,
Alsmen dese te gader twijnt,
Dat wort een streng die vaste bijnt.
Nader vasticheit van desen
130[regelnummer]
Soe wil altoes die minne wesen
Weder totter selver stam,
Daer si uut ghesproten quam:
Anders en vint sy ghenen gront.
Die zieck is waer gaerne ghesont,
135[regelnummer]
Dat is overste sijn ghedacht;
Mar wye soe verre is inden gracht
Of ghewaden is mitter haest,
Dat hem tander lant is naest,
Die en can ten halven niet ghekeren,
140[regelnummer]
Oeck hoe si hem stoten off bezeren.
Wye ghecomen is int wat,
Hy pijnt hem voert, al wort hi nat;
Mar die te voeren tasten conde
Off hi waer op goeden gronde,
145[regelnummer]
Eer hi tancker vallen liet,
Die en waer die alre dwaeste niet:
Wair die gront wel aucker hout,
Dair mach die schipman wesen bout.
|
|