Gedichten
(1981)–Willem van Hildegaersberch–
Auteursrechtelijk beschermdGa naar margenoot+XXXIII. Van Dominus.Ga naar voetnoot1Dichters, die die waerheit minnen,
Entan hoir reden wel voersinnen
Eer si spreken openbair,
Alsulke dichters segghen waer,
5[regelnummer]
Off byder waerheit alsoe hende,
Als hoir reden comt ten eynde,
Datmer wat mach leren by.
Wye schuldich is, die maeck hem vry
Eer hi comt tot meerre schade.
10[regelnummer]
Wye mitten wisen gaen te rade,
Die moghen leren ende verstaen.
Hier om heb ic te rade ghegaen
Mit clercken, die hem des verstonden;
Al heb ic menich dinc ghevonden,
15[regelnummer]
Dat int Latijn bescreven staet,
Dair toe moet ic nemen raet
Mit clercken, diet mi duutschen voert.
Int Latijn staet menich woert,
Daer menich hoghe leer in stect,
20[regelnummer]
Alsmen die waerheit al vertrect.
Uten Latijn wort mi vertoghen,
Hoe dat grote heren moghen
Horen naem in eren houdenGa naar margenoot+
Ende altoes edel sijn gheschouden.
25[regelnummer]
Inden Latijn noemt men aldus
Enen heer Dominus.
Dat woort is van letteren seven,
Ende elke letter can gheven
Een woert, dat hem sal toebehoren,
30[regelnummer]
Die den naem te recht sal voeren;
Ende wye die letteren alle heeft,
Mit recht men hem den name gheeft.
Die eerste letter is gheheten
Een D; dair machmen by weten
35[regelnummer]
Datse Discrecio beduut,
Ende in Duutsche aldus luut:
Bescheydenheit, dat is een doecht,
Die enen heer mit rechten voecht,
Want een onbescheiden heer
40[regelnummer]
Die en werct salicheit noch eer,
Die is oeck anxtelic by te wesen.
Die ander letter comt na desen
Anden naem, dat is een O;
Die beteykent ons alsoe
| |
[pagina 72]
| |
45[regelnummer]
Ga naar margenoot+In Latijn Obediencia;
Dat is in Duutssche, als ick verstae,
Onderdanicheit mit sinnen.
Een heer die sel uut rechter minnen
Gode wesen onderdaen,
50[regelnummer]
Ende sijn prelaten wel verstaen
In gherechter hoersamicheit;
Een heer sel kennen onderscheit
Wye tot sinen rade coomt:
Het raedt die menighe om dat hem vroemt.
55[regelnummer]
Waende hire by comen in schade,
Hy en quame niet tot sinen rade.
Die derde letter is een M.
Ghi sult weten dat hoir stem
Misericordia bewijst,
60[regelnummer]
Dats Ontfarmicheit; si is gheprijst
Om dat si den naem helpt stercken.
Ontfarmich in horen wercken
Soe sullen wesen alle heren,
Soe voeren sy den naem mit eren.
65[regelnummer]
Die vierde letter is een I.
Daer is ons beteykent by
Justicia, Gherechtichede.
Dat si den name helpt stercken mede,
Dair om is si int midden gheset
70[regelnummer]
Vanden woerde, dat si te bet
Alle die letteren hout te samen.
Een heer sel hem billicx schamen
Onrecht te doen off ghehinghen;
Mer gherechtich wesen in allen dinghen.
75[regelnummer]
Die vijfte letter is een N,
Ende beduut ons, als ic ken,
Nobilitas int Latijn,
Dat mach in Duutsche Edelheit sijn.
Dat woort mach in allen zaken
80[regelnummer]
Eens heren naem zeer volmaken.
Edel wercken te hantieren,
Dat doet den naem in eren verchieren.
Die seste letter is een U.
Sel ic twaer bedieden nu,
85[regelnummer]
Soe machse Veritas beduden,
Ende in Duutsche aldus luden
Warachticheit, een edel stick,Ga naar margenoot+
Dair ic sonderling op mick,
Hoe wel dat inden naem behoert.
90[regelnummer]
Een heer die niet en hout sijn woert,
Die scheit alre doecht ende eren off:
Nyemant goeders en ghift hem loff.
Hier by elken heer wel staet
Warachtich te sijn, hoe dattet gaet.
95[regelnummer]
Die sevende letter is een S;
Die beduut, des sijt ghewes,
In Latijn Sapiencia,
Dat is Wijsheit, als ic versta,
Die elken heer hebben moet
100[regelnummer]
In allen wercken, die hi doet,
Sel sijn naem in eren risen.
Een heer machmen billics prisen,
Daer rechte wijsheit in wort bekent.
Hiermede wort die naem volent,
105[regelnummer]
Die elken heer wel betaemt.
Een heer wort aldus ghenaemt
Mit seven letteren onghestraft,
Dats een heer die oerbair scaft
Sinen lande, sinen luden:
110[regelnummer]
Wat willic naerre meer beduden?
Selmen yemant noemen here,
Dese seven letteren min noch mere
Moet hi hebben al volcomen,
Diemen te rechte heer sal noemen.
115[regelnummer]
Bescheydenheit, dats sijn beghin;
Ghehoersamicheit die brinct hem in,
Dat hi by wisen rade leeft,
Ende sinen wille daer toe gheeft,
Dat Ontfarmicheit gheschiet
120[regelnummer]
Over al sijn arme diet,
Die ghenade an hem begheren.
Trecht en machmen niet ontberen,
Die doet alle dinck bescheiden,
Al en dars die quade niet verbeiden.
125[regelnummer]
Een heer sal sijn Edelheit toenen,
Den quaden castyen, den goeden lonen,
Warachtich wesen ende wijs.
Men mach mit rechte gheven prijs
Enen heer, die desen naem
130[regelnummer]
In eren hout ende sonder blaem.
|
|