Gedichten
(1981)–Willem van Hildegaersberch–
Auteursrechtelijk beschermdGa naar margenoot+LI. Van tregiment van goeden heren.Ga naar voetnoot1By consent van goeden heren
Sietmen doeghet voerwart keren
Ende menich lant in rusten bliven,
Daer deen den anderen soude outliven
5[regelnummer]
Ende beroven vanden sinen.
Der heren macht sal daer om schinen,
Dat sy den bosen hier castien,
Enten goeden soe bevryen,
Dat hi te bat mach sijn in vreden.
10[regelnummer]
Een machtich heer van goeden zeden
Is sijn volc een salicheit
Ende menighen lande, dat bi hem leit;
Want elck ontsiet hem sinen toern.
Dies ghelijc vel hier te voren
15[regelnummer]
Van enen heer van hogher waerde,
Die soe berechte mitten zwaerde
Sijn volck, tlant, die coopman mede,
Datter pays was ende vrede
Binnen sinen lande al omtrent.
20[regelnummer]
Hy hadde die bosen soe ghewent,
Dat sy hoer boesheit mosten laten
Ende totter doecht hem besaten,Ga naar margenoot+
Of hoer lijff daer om verliesen.
Van desen tween mosten si kiesen,
25[regelnummer]
Des en wort hem gheen verdrach.
Oeck sachmer veel betalen tghelach
Die inder boosheit bleven vast.
Een heer, die naden rechte tast,
Dien hoortmen vanden goeden prisen;
30[regelnummer]
Den bosen macher wel off grisen,
Want hoer wesen is contraer.
Die bose schuwen openbair
Te comen al daermen recht ansiet.
Dus is den volke wel gheschiet,
35[regelnummer]
Die sulken heer connen gheraken,
Die gherechtich is in allen zaken.
Hier nae ghevelt alst wesen soude,
Dat hi starf ende voer ter moude,
Dese edel heer, daer ic of waghe.
40[regelnummer]
Doe schiede daer yammer ende claghe
Binnen sinen lande in corten tyden:
Tvolck ghinc onderlinghe striden,
Die heren scheyden in partyen;
Men ghinc den huusman soe castien,
| |
[pagina 102]
| |
45[regelnummer]
Ga naar margenoot+Dat hem rouwen mocht sijn leven,
Had hi schat off guet te gheven:
Teerste rumen was hem best.
Tghinc soe wouderlijc int lest,
Dat nyemant en wiste waer outhouden,
50[regelnummer]
Die buten slote wonen souden:
Dus wast een wout sonder ghenade.
Daer nae quam bi wisen rade
Een edel heer, wel jonc van daghen,
Die ghinc die bosen soe veryaghen,
55[regelnummer]
Dat hem die goeden quamen by
Ende maecten sint die straten vry,
Die te voren onveilich waren.
Dese edel heer van jonghen jaren
Die heeft verworven rijcken loff:
60[regelnummer]
Waermen quam in enighen hoff,
Men seide: ‘Tis een edel heer,
Hi hatet quaetheit, hi minnet die eer;
Sijn volck dat isser by verhuecht.’
Een heer, die mitter jongher juecht
65[regelnummer]
Een naem van eeren can ghewinnen,
Dat is een hoechlic beghinnen;
Want gaern soe comtet hy naturen.
Alsulken name mach langhe duren,
Op datten God in doechden spaert;
70[regelnummer]
Want wat uut dier naturen aert
Werkende is, dat hevet cracht;
Doch wil die juecht in hoerre macht
Ghedurich sijn, soe en cant niet scaden,
Dat sy hoer laet den ouden raden;
75[regelnummer]
Want die oude heeft meer ghesien
Beyde van desen ende van dien,
Dan die jeucht begripen can,Ga naar margenoot+
Waermen vint in enen man
Die jonghe juecht ende wijsheit mede,
80[regelnummer]
Dat is een starcke heerlichede,
Al dairmen node tieghens strijt.
Al waren si droevich langhe tijt,
Dat ghemene volc hier te voren,
Die horen heer hadden verloren,
85[regelnummer]
Byden jonghen, die ic meyne,
Quamen si so uut horen weyne,
Dat sy mit rechte mochten loven
Den hoghen meester van hier boven,
Die hem verliende alsulken heer,
90[regelnummer]
Die dus mit ridderliker eer
In rusten brocht dat edel lant,
Dat soe yammerlijc was ghescant.
By deser saken moechdi sinnen,
Hoe ic meende in mijn beghinnen:
95[regelnummer]
Men mach der heren niet ontberen,
Sal die coopman hem gheneren
Off die huusman acker bouwen.
Hier om sijn heren ende vrouwen
Inder werlt eerst ghevonden,
100[regelnummer]
Dat si bedwinghen den onghebonden,
Die den goeden doen verdriet;
Anders en waer die werlt niet,
Want si verghinghe al tenen gader.
Wy bidden anden hemelschen vader,
105[regelnummer]
Dat hi in doechden wel behoet
Elken heer die reden doet,
Waer si sijn tot enigher stede;
Ende Willem van Hildegaersberch mede.
|
|