Gedichten

⁺L. Van sempelen ghelove.¹

Men vindet simpel luden so leec

Ende int ghelove so weec,
Datsi houden in hoer verstaen,
Dat God is als een mensch ghedaen,
Die lichaem van leden heeft
Als hi ons menschen gheeft.
Neen hi niet, die twaer vereest,
God is altemale een gheest,
Daer hemel ende aerde vol sijn mede;
Nochtan en volt hi ghene stede;
Op een ure is hi over al,
In hemel, in zee, in berch, in dal
Sijn diepheit is sonder gront,
Sijn hoocheit en is nyemant cout;
Sijn grootheit is onghemeten,
Ende nyemant en is die can volweten
Sijn maniere ende sijn wesen.
Die ghene die daer meest nae lesen,
Die dwalen vast weder ende wey,
Als die blinde die slaet nae tey,
Dat hoerre gheen gheraken can.
Ende gheliken enen man
Ghinc die Goods zoen op eertrijck,
Die selve God was sekerlijck;
Mar sine godlike ghedaen⁺
Die en schouwede men daer niet aen,
Mar sine godlijcke dade,
Die hi wrochte, vrouch ende spade,
Die sachmen dair al openbair.
Men siet oec voerden ontaer
Broot des levens, sijt seker des,
Daer hi waerliken in es;
Mar sijn godheit in dien
Die blivet daer al onghesien.
Thoochste wesen is die Godheit,
Entaer in is een drieheit,
Dats drie in één, ende één in drie.
Meerre wonder en sachmen nie
Onder des hoghen hemels troen,
Dan in één wesen drie persoen,
Ende drie persoen in één God.
Nyemant en wese alsoe sodt,
Dat hi daer op yet langhe dure,
Om te weten Goods nature.
Een mensche mach cume hem selven kinnen,
Hoe soude hi Gode dan versinnen?
Dusent sonnen, diemen siet,
En sijn alsoe schoen niet,
Noch oeck alle hemelrijc mede,
Als God in sine moghenthede;

+ H. fol. 53 d.-54 a. B. fol. 27 b. c.

1 Overgenomen uit den Leken Spieghel, B.I. c. 2: Van Gods wesene; doch met vele omzettingen. De volgende vergelijking wijst kortelijk de veranderingen aan;

H. vs. 1-12.	LS. vs. 1-12.
H. vs. 13-46.	LS. vs. 53-86.
H. vs. 47-50.	LS. vs. 45-48.
H. vs. 51-52.	LS. ontbr.
H. vs. 53-54.	LS. vs. 29-30.
H. vs. 55-60.	LS. ontbr.
H. vs. 61-72.	LS. vs. 33-44.
H. vs. 73-76.	LS. vs. 87-90.

+ H. fol. 54 a. b. B. fol. 27 c.

[p. 101]

 

⁺

 

Wat dat hier is, groot ende smal,

 

Dat maecte God van niet al;

 

Ende dede hire off sijn hoede yet,

 

Tghinghe weder altemale te niet.

55

Ende dat alle dese dinghen

 

Weder te niete ghinghen,

 

Enghelen ende menschen ghemien,

 

Enter niet en bleeff dan God allien,

 

Soe en soude sijn blyscap, sijn glori daer af

60

Te minre wesen niet een caff.

 

Waenstu, sot mensche, dat hi

 

Na sijnre ghelike schiep di

 

In des vulen lichaems forme,

 

Dat eten sullen die worme?⁺

65

Neen hi niet, sekerlijc;

 

Wanttu biste van vuylen slijck,

 

Ende stinckende onreyn als die mis;

 

Entie pure Godheit is

 

Alsoe edel ende schone,

70

Dat niet en leeft onder die throne,

 

Diere van enen haer toe docht,

 

Dat hire yet off spreken mocht.

 

Mer men ghelove sempelic,

 

Dat God, onse heer van hemelrijc,

75

Is één God ende drie persoen,

 

Daer comtmen by ten hoghen loon.

+ H. fol. 54 b. B. fol. 27 c.

+ H. fol. 54 b. B. fol. 27 d.

51 dat ontbr. 53 hi daer. L. dade h. sine h. of yet. 54 Het ginge w. al te n. L. Het worde w. al n. 55 al. 58 Ende daer. 59 sijn glori ontbr. 62 L. sine ghedane. 63 B. vormen. B. en L. vulen ontbr. 64 wormen. L. Die. 65 L. waerlijc. 66 Want du bist een vule s. L. Du beste een vuul s. 67 E. s. als een messe. L.E. s. als een mes. 68 B. en L. Ende die g. die es. 69 alsoe s. L. So e. e. so s. 70 Dat hi n. e. l. o. den t. L. En is niement o. d. t. 71 Diet. L. Die daer v. e. h. toe dochte. 72 D. hi daer iet af seggen m. L. yet ontbr., mochte. 73 M. m. sal geloven. L. Men ghelove simpellike. H. ghelooft. 74 onse ontbr. L. here van hemelrike. 75 L. Een G. is in d. persone. 76 L. Men comt daer mede t. h. l.
4 sonden. 8 Ende den. 9 te vr. 15 Bi e. h. 16 Die s. berichten. H. Diet. 17 sijn lant den c. 18 Soe d. 19 al daer o. 20 boese alsoe. 22 hem selven saten. 24 soe m. 30 mach daer. 33 al ontbr. 37 vielt. 40 geschiede jamer e. plage. 43 scieden in p H. int.