Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Gedichten (1981)

Informatie terzijde

Titelpagina van Gedichten
Afbeelding van GedichtenToon afbeelding van titelpagina van Gedichten

  • Verantwoording
  • Inhoudsopgave

Downloads

PDF van tekst (3.08 MB)

ebook (3.43 MB)

XML (1.82 MB)

tekstbestand






Editeurs

Willem Bisschop

Eelco Verwijs



Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Gedichten

(1981)–Willem van Hildegaersberch–rechtenstatus Auteursrechtelijk beschermd

Vorige Volgende

Ga naar margenoot+LVI. Van feeste van hylic.

 
Menighe feeste wort opheven,
 
Opdat die tijt van onsen leven
 
Mit ghenoechten overgae.
 
Elck bedenck hem ende versta,
5[regelnummer]
Waermen feeste mach bedriven,
 
Ende buten sonden mach off bliven;
 
Want blyde te sijn sonder zonde
 
Dat quam uut reynre herten gronde,
 
Oeck ist Gode wel bequame.
10[regelnummer]
Doe hy Yeve gaff Adame,
 
Hi maecte daer feest van hoghen prise,
 
Ende setse inden Paradise,
 
Ende hadden si buten sonden ghebleven,
 
Wy mochten sonder sterven leven.
15[regelnummer]
Dat God Adam den wille gaff,
 
Daer quam ons allen sterven aff.
 
Sterven is een swaer ontsien,
 
Daer om sel elcman daer nae spien,
 
Dat weldoen sy sijn hoechste mienen:
20[regelnummer]
Voir sterven moghen wy loon verdienen.
 
Waren wy buten vallen ghemaect,
 
Ons hadde hogher loon ghenaect
 
Dan daer hi eerst was in gheset.
 
Aldus soe staet te prisen bet
25[regelnummer]
Die vrye wil mitter doecht,
 
Om dat ghi loon verdienen moecht.Ga naar margenoot+
 
Den vryen wil is meerre danck
 
Dan wel te doen door bedwanck.
 
Bedwanc dat is een onghenoecht:
30[regelnummer]
Daer om heeft God die wil ghevoecht,
 
Dat elcman is sijns selfs vry
 
Te comen daer ghenoechte sy,
 
In feeste, die niet en mach vergaen.
 
Hoe hoghe feeste wy hier begaen
35[regelnummer]
Om vreuchde te driven mit jolijt,
 
Tis al verganc in corter tijt.
 
Hierom selmen feesten maken
 
Buten sondeliken zaken
 
Gode te loven, der werlt te vromen.
40[regelnummer]
Soe wye in brulofts feeste comen,
 
Die moghen sonder zonde hoven,
 
Gode te dancken ende te loven,
 
Laten sijt hoff in sijnre waerde
 
Sonder nijt of hoveerde.
45[regelnummer]
Hoveerde, nijt ende ghierichede
 
Daer wort een hoff onzuver mede;
 
Daer by machmense mit goeden reden
 
Te hove laten onghebeden.
 
Want hoghe bruloften off edel feste,
50[regelnummer]
Wat sonde daer nijt of tempeeste?
 
Vruechde, blyscap, melody,
 
Die wil God selve datter sy,
[pagina 108]
[p. 108]
 
Ga naar margenoot+Want in sijn lof ist al ghesticht,
 
Man ende wijff, dese edel gycht,
55[regelnummer]
Die si malcander moeten gheven,
 
Trouwe te houwen al hoer leven:
 
Thonden dat is al die zake,
 
Die lofte gheschiet in corter sprake.
 
Man ende wijff, dese edel vrucht,
60[regelnummer]
Dat sijn twe boom van edelre tucht,
 
In enen steel te gader geent,
 
Dat is dat helighe Sacrament.
 
Dat sy ontfaen in enen bant
 
Mitten stoel van spriesters hant.
65[regelnummer]
Dat bediet eendrachtichede,
 
Dat sy altoes op ene stede
 
Mit gonsten sellen bliven vast,
 
Ende elck sel anderen sinen last
 
Helpen draghen totter doot,
70[regelnummer]
Entat om weelde noch om noot
 
Nymmermeer te staen ave,
 
Voer dat sy comen totten grave.
 
Hilic is een salicheit,
 
Daer menich eer ende bate an leyt,
75[regelnummer]
Alsment regiert na sijnre accoerde.
 
Een hoghe wet, een edel oerde,
 
Heeft hi gheset, diet eerst began.
 
Tis voer Gode een duer ghespan,
 
Daer man ende wijff malcanderen trouwen.
80[regelnummer]
Hoghe heren ende edel vrouwen,
 
Die mogher by in rusten bliven;
 
By hilijc letmen menich kiven,
 
Want als twee landen te gader minghen
 
By hilie, dat si te samen bringhen,
85[regelnummer]
Hoer vyande worder mede versaecht.
 
Hoe groten hoemoet datmen draecht,
 
Groet ontsich van felre wrake
 
Dat doet verhoeden menighe zake.
 
Tis den menighen volke noot,
90[regelnummer]
Dat heren sijn van machten groot.
 
Een wel ghesinnet machtich here
 
Hout veel lants in groter ere,
 
Daer twee ghelike te gader kiven,
 
Die willen beyde an tscoenste bliven:
95[regelnummer]
Daer by ist onghelike guet,
 
Wanttet wel verdraghen doet.
 
By hilic machmen veel verwerven:
 
Als sonder gheboorte die heren sterven,
 
Hoer lant comter bi in node;
100[regelnummer]
Die menighe lyen mitten brodeGa naar margenoot+
 
Die wijl den heer sijn leven duert,
 
Dat zwairlijck na sijn lant besuyrt.
 
Want als een heer partyen heelt,
 
Oeck hoe ghelike dat hi deelt,
105[regelnummer]
Si moeten beyde sijn bedwonghen;
 
Want wort een heer te tijt ondronghen
 
Sonder gheboorten, soe staet in vresen,
 
Sy en sellent onghelike tesen
 
Ende zwaerlic in partyen scheiden.
110[regelnummer]
Aristotiles was een heyden,
 
Nochtan proefde hi in reden claer,
 
Dat by node een meester waer,
 
Die alle wesen heeft ghefundeert.
 
Oeck ist wel noot datmen begheert
115[regelnummer]
In elken lande een overheer,
 
Diet wel regiert in allen keer;
 
Want veel heren in een lant
 
Sonder ontsien, dat wort gheschant.
 
Hier om sullen hoghe heren
120[regelnummer]
Te hilic meest hem selven keren,
 
Want als sy kinder afterlaten,
 
Tcomt den lande te meerre baten
 
Dan off die mate kinder winnen.
 
Doch sel elck die sine minnen,
125[regelnummer]
Dat doet, het is ghemeen accoert.
 
By hylic quam die werlt voert,
 
By hilic machse staende bliven,
 
Doet ons God sijn hulp beclyven.
 
Soe wye gheleghen hilic staet,
130[regelnummer]
Die neem te tyde sulken raet,
 
Dat hi der bester wijsheit plyet:
 
Ten valt tot allen tyden niet.
 
Gheleghen hilic selmen prisen:
 
Machtighe vrienden verre te wisen
135[regelnummer]
Die en connen ons niet helpen draghen,
 
Waren wy belast van fellen laghen,
 
Ghelijc den ghenen die ons sien;
 
Doch ist beter vanden tween:
 
Verre vrienden in goeden staden,
140[regelnummer]
Dan naerre by ende omberaden;
 
Want hilic vallet misselic.
 
By hilic wordt die mate rijck
 
Entie rijcke maet van goede;
 
Te hilic hoort wel grote hoede;
145[regelnummer]
Al is die coop al thants ghedaen,
 
Die dach die moet al langher staen,
[pagina 109]
[p. 109]
 
Ga naar margenoot+Ende wye misraect op sinen dach,
 
Ic waent hem langhe dencken mach.
 
Van hilic mochtmen dichten vele:
150[regelnummer]
Soud ic tende vanden spele
 
Dichten, tworde ons te lanc,
 
Soe waert een arbeit sonder danck;
 
Ende sonder danck te menighe stede
 
Spreect die dichter die waerhede,
155[regelnummer]
Want elck materi hout hoer slot.
 
Ghi heren, peynst om Goods ghebot,
 
Ende laet u niet verlanghen zeer,
 
Als ghi wat hoert van goeder leer;
 
Want goede leer ende wel besloten
160[regelnummer]
Is dickent wijsheit uutghevloten;
 
Doch hoert tot allen dinghen maet.Ga naar margenoot+
 
Een dichter, die hem wel verstaet
 
Ende overdenct wat hem mach deren,
 
Dien dicht niet al sijns selfs begheren,
165[regelnummer]
Want goet ghedicht ende niet te langhe,
 
Een schoen vertreck van nyewen sanghe,
 
Dat heeftmen gaern ter heren hove.
 
Tis best dat icket mede love,
 
Want Willem heeftet mi gheleert
170[regelnummer]
Van Hildegaersberch, wye is verheert,
 
Dat hi sijn striden laten moet.
 
Smeken, lyden is die boet,
 
Daermen wreden mode verwint:
 
Hi is wijs diet wel voersint.

margenoot+
H. fol. 57 c. B. fol 35 a.
margenoot+
H. fol. 57 c. d. B. fol. 35 a. b.
[tekstkritische noot]53 al is g. 56 houden. 58 D. geloeft. 59 vruchten. 60 reinre tochte. 61 In een s. te samen geent. H. ent. 66 in een s. 68 den anderen. 71 standen af. 72 graft. 75 Alsmen. 76 oerden. 79 malcander. 80 ende ontbr. 81 D. mogen daer bi. 83 lande. 85 weerden daer m v. 87 Swaer o. 88 H. verhouden. 89 gemeynen volk. 98 geboerten. 99 Hoer l. dat coemt daer b. i. n. H. Hoc. 100 Want voele die liden m. b. 3 helt. 4 hijt. 6 die tijt ontdronghen. 7 Soe staet s. geboert i. v. 11 bi redene c. 13 fundeert. 20 Ten h. Vs. 127 en 128 in omgekeerde volgorde bij B. 27 Soe m. bi h. s. b. 29 scaet. 30 alsulken. 34 vriende. 35 D. ons niet en connen h. d. 36 Swaren last v. f. l. 37 G. die gene die bi ons sijn. 38 isser. 39 vriende i. g. steden. 40 ombereden. 41 valt. 44 Tot. 45 den c. al thans.
margenoot+
H. fol. 57 d.-58 a. B. fol. 35 b. c.
margenoot+
H. fol. 58 a. b. B. fol. 35 c. d.
[tekstkritische noot]48 dueren. 49 soe mach ic. 50 dat ende. 53 meniger. 55 hout h. s. H. ocht. 56 o. onse g. 60 dicke. 63 dat. 64 Die en d. 70 die. 72 Want s. 73 den w. 74 versint.
Tit. koerencoepers. 1 Het dunct m. w. eest v. 2 Die, eren. 4 overdenet w. i. geleden. 5 Ende w. v. n. moet g. 7 die niet en spaert. 8 Daer na dat oerdel e. dat swaert. 10 sijn si c. 18 Oec mochtment v. w. t. 19 elcke. 24 Die. 26 Onversien wraken comen. 30 c. v. eertrijc. 32 op v. p. 35 mit des v. r. 36 dat edel sade. 38 G. m. hengen w. v. 40 O. soe coemt dicwil onversien. 42 aen die vroede. 44 in die s. H. inden. 47 mit anderen sade. 48 genaden.
margenoot+
H. fol. 58 b. B. fol. 35 d.
margenoot+
H. fol. 58 b. c. B. fol. 35 d.-36 a.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken