Gedichten
(1981)–Willem van Hildegaersberch–
Auteursrechtelijk beschermdGa naar margenoot+LXXXII. Van ruste.Die dichters heten nu ten tyden,
Hoe moghen si in dichten hem verbliden!
Men doet der consten luttic eer:
Onnutte dinghen prijstmen zeer,
5[regelnummer]
Die dichters schuldich sijn te laken.
Hoe sel een dichter dan gheraken
Gunst te crighen of ghewin?
By avonturen, tuucht mijn sin,
Machmense soecken ende vinden;
10[regelnummer]
Soe wye hem dichtens wil bewinden,Ga naar margenoot+
Die sel die waerheit te kennen gheven
Twisken sterven ende leven,
Twisken archeit ende doecht,
Twisken lyden ende ghenoecht,
15[regelnummer]
Twisken winnen ende verliesen,
Twisken den wisen ende den riesen,
Twisken onrust ende rust.
Wye soe te dichten hevet lust,
Die doet die bose hem selven kennen,
20[regelnummer]
Hoe si hier mit valen mennen.
| |
[pagina 170]
| |
Ga naar margenoot+Ist om miede of ist om ghicht,
Men selse roeren int ghedicht,
So moghen si horen of si dwalen.
Hoe scarp si hoer loghen hier verstalen,
25[regelnummer]
Ende maken Gode een vlassen baert,
Si gaen den pat ter hellen waert,
Daer nyemant ruste en can gheschien.
Die gheen diet doen, oec wye si sien,
Wouden si hem selven kennen wel,
30[regelnummer]
Tfonnis waer hem alte fel,
Dat sire of moeten horen wisen.
Die mit loghen doen oprysen
Oude veechte of nyeuwe maken,
Al wanen si soe te Gode naken,
35[regelnummer]
Si werden Lucifers ghesellen;
Want si in onrust hem bestellen
Sonder noot, mit vryen wille.
Waer van node valt gheschille,
Dat wort ghebetert of vergheven;
40[regelnummer]
Ghenade is bi misdoen ghescreven,
Om datter rust of comen mach.
Si maken veel een bitter lach,
Die om betalen niet en zorghen.
Veel te lenen ende te borghen,
45[regelnummer]
Daer ghelt noch pande can ghebaten,
Dat soude een wijs man gheerne laten.
Hi is wijs die ruste mint,
Want God is rust, diet wel versint.
Rust ende onrust teltmen twye,
50[regelnummer]
Die contrari waren ye
Sint God die werlt eerst began.
Soe wye in rusten leven can,
Die wert gheprijst van sijn gheburen;
Mar onrust vanden fellen zuren
55[regelnummer]
Die staet den goeden zeer te laken.
Dobbelen, drincken, snachts waken,
Dat gheschiet wel inder joecht
Vanden wisen mit ghenoecht;
Doch en statet niet te prisen.
60[regelnummer]
Veel te lopen ende te bisen
In gulsicheiden over pas,
Tis twifel ofmens ye ghenas:
Die ghene diet dede, hi wert vermoeyt.
Al ist dat onrust in hem groyet,
65[regelnummer]
Si en can den lichaem nyet ghevoeden,
Hi en sel traghen ende moeden
Ende van arbeiden warden cranck.
Al harde hijt gaern ghedurich lanck,
Natuer en wils hem niet ghehenghen,Ga naar margenoot+
70[regelnummer]
Dat hi sijn dencken can volbrenghen;
Want wye ter onrust is gheneghen,
Woud natuer hem helpen dreghen,
Hi en ruste nymmermeer dach noch nacht;
Of rust doet hem den lichaem soe sacht,
75[regelnummer]
Dat gheen dier en is soe wreet,
Noch man ter werlt van toern soe heet
Op sijn vyanden te veryaghen,
Hi en moet van onrust ymmer traghen
Ende van node ruste garen.
80[regelnummer]
Soe hebben si ooc yammerlijc ghevaren,
Die hem in onrust hier beleyden,
Ende nader tijt moeten ontbeiden
Onrust, daermen niet en mach
Die tijt van enen oghe opslach
85[regelnummer]
Ruste crighen ymmermeer.
Wort ons hier een vingher zeer,
Arm, voete, knye of bien,
Wy doen om wise meesters sien,
Die sochte connen visiteren;
90[regelnummer]
Ende latet staphants niet sijn zweren,
Soe gaen wy stoven ende baden.
Waer sijn si die den heren raden
Manslacht ende groten toern,
Dat si dit bispel niet en horen,
95[regelnummer]
Hoe wel den heren ruste voecht,
Op dat si hem keren ter doecht.
Want sitten wy langhe, wy willen staen;
Verdriet ons dat, wy willen gaen
In soete wanderinghe voert;
100[regelnummer]
Legghen als daer toe behoert,
Sachte slapen mit ghevoeghen;
Goede cleder diet vermoeghen,
Begheertet lichaem by naturen;
In coude moghen wy qualic duren
105[regelnummer]
Of in hetten boven maten.
Ende als wijt al hebben ghelaten
Des dat lichaem hevet noot,
Waer laten wy dan die ziele bloot,
Die wy vergheten hier op eerden,
110[regelnummer]
In toorn, in nyde ende in hoveerden,
In menichfoudelyken sonden,
Die ymmer moet ten lesten stonden
Loen ontfaen van onsen dienst.
Ruste waer hoer talre sienst;
115[regelnummer]
Want dan en vintse maech noch vrient,
Anders dan een bloot verdient;
| |
[pagina 171]
| |
Ga naar margenoot+Men doeter heeten noch vercoelen,
Als wy ter werlt hier bevoelen,
Anders dan gherechticheit.
120[regelnummer]
Al spreden wy hier een ommecleit
Over trecht ende doent verblinden,
Wy sullent daer al open vinden
Onbedect voerden oghen;
Hoement wijst, wy moetent doghen
125[regelnummer]
Sonder enighe wedertale.
Ic wond sijt hoerden altemale
Vanden hoghen totten laghen,
Die sinte Pieters sloetel draghen,
Sijn si ghewyet of beschoren,
130[regelnummer]
Keyser, coninghen wel gheboren,
Hertoghen, graven, ander vorst.
Wist ic wiet hem segghen dorst,
Twaer hem nuttelic ghehoert,
Die gheen die onrecht steken voert
135[regelnummer]
In overdade mit ghewelt.
Tis ter werlt alsoe ghestelt,
Nyemant en darf die waerheit wagen.
Ghi heren, maect in uwen daghen
Vasten vrede ende goet gheleide:
140[regelnummer]
Want ghi wilt rusten, als ic seide,
Sidi moede in uwen leden,
Sachte slapen wel te vreden,
Eten, drincken mit ghemake
Duer spise van goeder smake,
145[regelnummer]
Ter werlt wesen hoech vernaemt;
Ende of dit den lichaem wel betaemtGa naar margenoot+
Die wijl wy sijn in deser tijt,
Soe betaemt der zielen groot jolijt,
Die ewich is ende ewich blijft,
150[regelnummer]
Entaer nyemant anders of en scrijft,
Sijn sy papen ofte clercken,
Dan die ziele byden wercken
Bliven moet ten joncxten daghe,
Ende horen vonnis ende claghe
155[regelnummer]
Vanden quaden, vanden goeden,
Die dat kennen ende voerhoeden,
Dat sijn die ghene die moghen hopen,
Daer alle recht sel wesen open,
Sonder decken, sonder huden.
160[regelnummer]
Ghi heren, doet den myenen luden
Volcomen recht na elker daet,
Ende ymmer neemt alsulken raet,
Dat ghi ridder ende knechte
Laet in hoer bescreven rechte,
165[regelnummer]
Daer toe u steden ende lant,
Soe sluut ghi al in enen bant:
Sachte leven wel te vreden
U volc, u lant, u dorpen, steden,
U lichaem hier in groter eren,
170[regelnummer]
U ziel ten hemelrijc te keren,
Als ghi dese hoecheit hier begheeft.
Hi is wijs die daer nae leeft,
Dat God sijn ziel wil ontfaen:
Onse hoocheit is hier thants ghedaen.
|
|