Gedichten
(1981)–Willem van Hildegaersberch–
Auteursrechtelijk beschermdGa naar margenoot+LXXXVI. Van rechters.Bi goeden exempel machmen leren
Alle dinc in tbeste keren,
Op datmense wil te rechte gronden,
Als dit ghedichte sel oerkonden,
5[regelnummer]
Hoert ghijt van beghin ten eynde.
Wy bidden Gode dat hi ons seynde
Alsulken sin, dat wijt verstaen;Ga naar margenoot+
Wantmen macher leren aen
Schoen exempel ende goet.
10[regelnummer]
Alst in tLatijn bescreven stoet
Soe wil ict u in Duutsche ontbinden.
Wye goede materie connen vinden,
Sy sint schuldich te openbaren:
Hier om wil ic u sonder sparen
| |
[pagina 182]
| |
15[regelnummer]
Ga naar margenoot+Nader letter segghen twaer;
Daer stont ghescreven openbaer
Int Latijn, alsment mi las:
‘Si namen gave,’ sijt seker das,
Aldus soe hilt die letter slecht,
20[regelnummer]
‘Ende om die gave keerden trecht,
Des moghen si droeflijc hem beroemen;
Want God selse daer om verdoemen
Ende wisen inden ewighen doot,
Sonder ontfarmicheit al bloot.
25[regelnummer]
Aldus soe stontet dus bescreven.
Want God heeft selve trecht ghegheven,
Datmen houden sel in eren,
Ende wyet om miede dan verkeren,
Machmen die voer rechters noemen?
30[regelnummer]
Ic wil des wel ter waerheit comen:
Si sijn argher dan Judas,
Oec hoe dat hi verrader was;
Want si recht houden in vresen,
Ende brekent weduwen ende wesen
35[regelnummer]
Of sonder ontfarmichede;
Ende woudse dat God hem anders dede,
Dan si doen in horen tyden,
Dit waer onrecht in allen zyden.
Neen, God wil gherechtich wesen
40[regelnummer]
Over dien ende over desen,
Want hem en blijft gheen dinc verholen.
Soe wyen God trecht hier heeft bevolen,
Die sic dat hi gherechtich sy
Ende ontfarmich oec daer by
45[regelnummer]
Over den ghenen dies begaert,
Op dat hi gheen recht en spaert.
Al wilde hem yemant miede loven
Om onrecht te helpen boven,
Die en sel hi laten niet verdinghen;
50[regelnummer]
Want God kent elken sonderlinghen,
Wye si sijn of wye si waren,
Die om myede trecht beswaren.
Hier om hiet ic u al ghemeen,
Jonc, out, groet ende cleen,
55[regelnummer]
Die vanden rechte voeren tzwaert,
Dat u van Gode ghegheven weert,
Dat ghijt besiet an beyden syden,
Ende latet nyemant te hende sniden,
Weder armen ofte rijcke;
60[regelnummer]
Want God die doet u des ghelike
Als ghi doet in deser tijt,
Die wijl dat ghi hier rechters sijt.
Van desen tween hebdi die coer.Ga naar margenoot+
Nu sie ic al die werlt doer
65[regelnummer]
Gherechticheit soe ondervoet,
Datmenre luttic vint soe goet,
Si en souden hem wel mieden laten:
Dus kiesen si tghelt thoirre onbaten,
Als ic u seide hier te voren.
70[regelnummer]
Mar ghi en wiltet waer niet horen,
Daer ghi soudt mede behouden bliven.
Tghelt mach nu soe veel bedriven:
Die vorste minnet alre meest,
Alsoe ghi dickent hebt vereescht:
75[regelnummer]
Wistijs niet, ic seit u wael.
Die paeus ende sijn cardinael,
Alle die vander clesi sijn,
Wildi horen den rechten fijn,
Si minnent ghelt an horen rinck;
80[regelnummer]
Daer toe keyser ende coninc,
Hertoghen, graven ende ander heren,
Daermen doghet an soude leren,
Alle minnen si den scat;
Ridders, kuapen, in elker stat,
85[regelnummer]
Men seit dat si den penninc minnen.
Ende al quaem een man te Romen binnen
Of tAvengon al binnen der stede,
Daer thooft is van kerstenhede,
Om oflaet van sinen zonden,
90[regelnummer]
Hi soude lancsaem werden ontbonden,
Ten waer of hi den hoghen lieden
Gheven mochte alsoe veel myeden,
Dat si en brochten voerden vader,
Die ontbinden mach algader
95[regelnummer]
Hem, die des oflaets begheren:
Anders soudmen buten weren,
Waert dat hi gheen miede en gave.
Keyser, coninc, hertoghe, grave,
Tot horen hove ist dus ghescapen:
100[regelnummer]
Daer sijn portiers ende camerknapen,
Die alle gheerne winnen souden,
Of die ghene buten houden
Die mitten heer hebben te spreken.
Dat sel God ten lesten wreken
105[regelnummer]
Altemael op enen dach.
Elcman hoede hem voerden slach,
Ende neem exempel an dit ghedicht,
Wil bi comen voer dat licht,
Daer alle dinc is onverborghen.
110[regelnummer]
Daer moet onrecht staen in zorghen
| |
[pagina 183]
| |
Ga naar margenoot+Voirden rechter vanden troen;
Alle wercken sellen hebben loon
Ten jonxten daghe, dat weet voerwair,
Daer God sel doemen openbaer.
115[regelnummer]
Ghi heren, siet dat ghijt verstaet,
Wacht u te tyde, dat is mijn raet;
Ende alle die ghene die recht bedriven,
Willen si int eynde behouden bliven,
Die radic des ghelijcke mede,Ga naar margenoot+
120[regelnummer]
Waer si sijn tot enigher stede.
Want Willem die heeftet ondervonden
Van Hildegaersberch in corter stonden,
Dat hijt u wil voer tbeste raden:
Al quaemdi ooc in hoghen staden,
125[regelnummer]
Weest gherechtich, wats gheschiet:
Willem en raet u anders niet.
|
|