Gedichten

⁺LXXXVIII. Van hoveerde.

Conste elcman volghen minen leer,

Soe souden wy minnen den hoochsten heer
Ende onsen evenkersten mede,
Soe creghen wy pays ende ewich vrede
Nader tijt ende hier int leven.
Nu wil elcman sijn verheven
Mit hoveerde, dat emmer es
Die ewighe verdoemenes.
Dit moechdi proeven by bescheide,
Al waert dat ics u niet en seide,
By Lucifeer, den bosen gheest,
Die rumen most den hoghen feest.
Om sijn hoveerdelic ghedocht
Viel hi neder soe onsocht,
Dat hi nymmermeer nae desen
Des zwaren vals en can ghenesen.
Daerde en dorst hoir niet verbouden,
Dat sy hoveerde woude onthouden,
Daer wy ons luttel of vervaren.
Noch wil ict u bet verclaren:
Aertrijck is al even ront,
Daer viel hi doer in corter stont
Van boven, daert op thoochste was,
Int alre laechste, sijt seker das,
Daer die helle hem wert toeghesent.
Nu ist volc soe onbekent,
Si worden Lucifers ghelyke,
Want si om dit aertsche slyke
Hem selven neyghen totten val,
Die sonder eynde gheduren sal.
Want hemel ende aerde niet en mach
Hoveerde draghen, soe ist een slach
Die elcman node dorst verbeiden.
Al laet ghi u aldus verleiden
Van Lucifer, diet gheerne saghe,
Dat wy quamen totter plaghe
Mit hem inder helscher gloeden,
Die u en can paep noch clerck bevroeden,⁺
Dat ghi hoverde wilt ontberen,
Ghi en doet Lucifers begheren,
Die om uwen val dus nauwe spiet.
Ghi dwase luden, mercty niet
Hoe cort ghi varen moet van hier?
Wanttie doot sel comen schier
Onvoersien, ghi en weet gheen tijt,
Dat ghi yet voer hem versekert sijt,
Mar hi neemt u sonder sparen.
Proeft, waer sijn si al ghevaren,
Daer ons dit goet of is ghebleven?
Moghen sy nu mit Gode leven,
Soe hebben si hier een tijt gheweest,
Anders ist niet daermen of leest,aant.
Want ghi hier al beleven moecht.
Ghevoecht u selven totter doecht,
Want naden wercken moeti ontfaen
Loen, alst leven hier is ghedaen.
Voer tzwaert der gherechtichede
Daer en voert nyemant talman mede:
Elcman isser even vroet.
Wat baet dan have ofte guet,
Alsmen niet en mach verdinghen?
Elc sel voer hem ghescreven bringhen
Wercken, die hi heeft bedreven:
Daer sel die rechter loon of gheven
In wat schijn sy sijn ghewracht.
Proeft, hoe sijnse dan bedacht,
Die in dit vule slijc der aerden
Dus hoghe hem selven verhoveerden,
Dat elc den anderen wil verduwen,
Ende voer dit zwaert soe luttic gruwen,
Dat scarp snijt an allen zyden.
Noch raet u Willem, dat ghi laet gliden,
Van Hildegaersberch, uwen hoghen moet,
Soe moechdi crighen ewich guet,
Dat onbereet is Lucifer,
Die om hoveerde viel so seer.

+ H. fol. 99 b. c. B. fol. 93 a. b.

+ H. fol. 99 c. d. B. fol. 93 b. c.

[p. 188]

3 E. hi. 4 smaecten. 5 lossen. 15 alsulken. 17 Doe s. h. t. a. vroem. 20 wilden wi. 21 Hier o. kiest dat. 24 Die. 25 hi. H. h. mi. 30 hoveerden. H. en B. Die. 33 Nu h. G. g. 34 Die. 37 mochtense o. w. v. rouwe. 38 H. Al. 39 hoveerden. 40 W. G. die en lates. 41 Eyntwer h. 42 dat m. 43 S. w. dat. 50 hoveerden. 51 Dat hi vernedert. 55 eerden. 60 U. s. hemelrijc. H. heymeliken. 62 voer p. 63 Tgemeine. 67 sinen. 72 die hem. 74 wilt. 80 Getogen e. v. v. 81 te m. s. 82 D. d. ic w. H. hi w. 83 plegen s. seden.