Gedichten

⁺CIII. Salomons woert.

Menich punte van wijsheden

Machmen bevinden wel mit reden,
Des die mensche hevet noot.
Niet al en is si even groot
Die wijsheit hier al in aertrijcke;
Wanttie zaeck is onghelijcke,
Daermen wijsheit toe sel pleghen.
Die meest tot domheit is gheneghen,
Hem denct dat hi die vroetste sy.
Hier om soe wil ic keren my
An die gheen, die wel verzinnen
Ende onderscheit van doechden kinnen.
Soemen den dommen langher leert,
Soe hi hem min ter wijsheit keert.
Dus is hi spade te rusten wel,
Die den dommen leren sel.
Ic en can u allen niet doen verstaen
Waer wijsheit is te leren aen;
Mer een punt wil ic u ruren:
Diet hebben mach van naturen,⁺
Die maeck hem blyde int aenscouwen.
Al waer hem thert een deel in rouwen,
Dat sel hi wyseliken draghen
Ende niet te zeer van buten claghen:
Misselijc wiet ziet of hoert.
Troeren is van dier accoort:
Dies veel wil doen, die quetst den sin.
Sijn vyanden nemen daer blyscap in,
Ende hem waer leet dat anders waer.
Blyde te sijn int openbaer
Is een punt van groten vrame.
Tmindert zeer der eren name,
Dat een heer misselijc ghelaet.
Elc sel houden sinen staet
In maten ende in blyscap mede,
Soe doet hi eerst hem selven vrede,
Ende sinen vyanden isset leet.
Die des wel kende een onderscheet,
Die mocht hem gaern ter blyscap stellen;
Want hi doeter mede vellen

+ H. fol. 118 a. b. B. fol. 112 d.

+ H. fol. 118 b. B. fol. 112 d.-113 a.

[p. 223]

 

⁺Sijnre vyanden blyscap ende vertaren,

 

Die gaerne saghen sijns misbaren.

 

Menichsins machmen proeven,

 

Dattet onbederve is zeer te droeven,

45

Diet laten mach in enighen zyden;

 

Want trouwe vrienden, die mit ons lyden,

 

Die worden daermede zeer onthoecht.

 

Verblijt u selven daer ghi moecht,

 

Soe sijn u vrienden mit u blyde:

50

U vyanden leven daer om in nyde,

 

Ende oick ist uwen live goot.

 

Blyde te sijn ende wel ghemoet

 

Is een punt van groten baten.

 

Hier om selmen trueren laten

55

Ende in goeden hoeghen leven.

 

Soe wye hem selven daer toe gheven,

 

Die crighen gaern der werlt eer;

 

Oec crijchsi loen van onsen Heer,

 

Wanttet is verduldicheit,

60

Daer smenschen wesen mede vercleit,⁺

 

Bet dan of si deden maken

 

Bonte cleder ende root schaerlaken,

 

Ander verwen menighertieren;

 

Ghi cont u selven niet soe wel vercieren,

65

Dat uwen vrienden mach ghenoeghen,

 

Ghi en moet u buten troeren voeghen;

 

Want veel te trueren int aenschijn

 

Is onghenoechlijc by te sijn,

 

Daer goede vrienden te gader comen.

70

Verstaet dit wel tot uwer vromen,

 

Wat blyscap is of seer te trueren.

 

Soe wye dat beyde mach gheboeren,

 

Die maec hem blyde ende houd hem vro,

 

Soe doen sijn vrienden oec alsoe;

75

Mar wye hem truerens can ontladen,

 

Die is wiselijc beraden;

 

Want blyde te sijn ende wel te doen

 

Dat prijsde coninc Salomon.

+ H. fol. 118 b. c. B. fol. 113 a.

+ H. fol. 118 c. B. fol. 113 a. b.

41 viande. 42 sagen. H. saghens. 44 Dat. 46 vriende. 49 S. s. die vriende. 50 viande. 57 ter w. 60 D. des m. leven m. v. 62 ende ontbr. 63 Ander verwe. H. Anderwerve. 64 G. en c. u s. n. s. w. vercieren. H. visieren. 69 vriende. 70 uwen. 73 houden. 74 vriende. 75 Soe w.
2 gewracht. H. ghewroch. 4 En h. h. 6 hi d. a. w. H. daer hi. 7 versierent. 15 En h. G. g. l. d. t. g. 18 hoeptmen. 21 hi d. 23 Waer d. sijn w. sage. H. saghen. 24 of bi den d. 25 Dit d. h. b. paden m. H. Die. 26 M. als. 35 Waerder t. 37 Wanneer. 38 w. bedingen. H. beghinnen.