Gedichten
(1981)–Willem van Hildegaersberch–
Auteursrechtelijk beschermdGa naar margenoot+CV. Een notabel van heren.Ghi hoghe heren wel gheboren,
Wildi den hemel toebehoren,
Soe voertet swaert der rechticheit,
Soe datmen doghet van u seit;
5[regelnummer]
Want wie om weldoen wert gheprijst,
Dat is een lof dat hoghe rijst
Ende duren mach tot onsen baten.
Die hem ter boosheit willen zaten,
Die crighen lof van hoir ghelijcke.
10[regelnummer]
Ondoghende heren ende rijcke,Ga naar margenoot+
Alsmen hem lof van eren gheeft,
Dat is een lof dat binnen heeft
Ydel glori ende hoveerde,
Die altoes voer die goede waerde
15[regelnummer]
Onwaert is ende seer versmaet.
Die heren sullen horen staet
Houden als vrou Eer ghebiet.
Volcomen recht ende anders niet
Sullen sy enen yghelijcken doen,
20[regelnummer]
Ridder, knapen ende baroen,
| |
[pagina 226]
| |
Ga naar margenoot+Soe moghense in eren rysen boven.
Heren sullen comen hoven
In horen steden al bi tyden,
Ende hoir arme volc verblyden:
25[regelnummer]
Uut goeder kennisse comt die minne.
Een heer die mit ghetronwen sinne
Kennisse draecht tot sinen lieden,
Si sullen hem uut minnen bieden
Lijf ende goet altoes te dienste.
30[regelnummer]
Tis den ghemienen lieden tsienste,
Dat heren selve hoer lant besien.
Men setter desen, men setter dien,
Die tfolc bescatten ende castyen;
Souden sijt emmer moeten lyen
35[regelnummer]
Jeghenwoerdich voerden here,Ga naar margenoot+
Lichte si en dedent nymmermeere,
Si en souden hem wel wat bet beraden.
Die meente is dicke zeer verladen,
Al daer die heren cleen of weten,
40[regelnummer]
Om dat si verre sijn gheseten.
Besiet u steden ende u lant,
Oftet erghent wart ghescant
By wanrade of mit wille,
Die deren hebben of gheschille,
45[regelnummer]
Si sellent selve wel openbaren.
Tis daer hene, ic latet varen:
Die wise rade mitten heren
Sellent wel int beste keren.
|
|