Print Horae Belgicae(1968)–A.H. Hoffmann von Fallersleben Vorige Volgende [p. 175] ¶ Nr. 85. 1. ....... ooc ie ghegaf tot minnen der creaturen, die lichter waren dan een caf, dat moet ic nu besuren. 2. Och waer ic nu der minnen cnecht, so soude ic dicke vercrighen also menich goet ghericht, dat mi nu moet ontbliven. 3. Ic woude mijn herte opluken so wijt in sijnre minnen ende niet toe laten sluten, ten hadde heer Jesus binnen. 4. Och woude hi dat opluken, dat hadde hi wel die macht ende niet toe laten sluten, hi en hadde mine siele vercracht. 5. Had ic hem so ghevanghen ende ic hem houden conste, ic en soudes niet laten ganghen, hoe dat ic dat begonste. B. 26. - Hs. 5, 2. cost. Vorige Volgende