Horae Belgicae

(1968)–A.H. Hoffmann von Fallersleben– rechtenstatus


XXVI. 1.[regelnummer] DEn winter comt aen, den mey is wt die bloemkens en staen niet meer Jnt groene die nachten zyn lanc door des winters vertuyt Nv lust mi wel wat nieus te doene Mijn ionghe iuecht is nv in saysoene Mijn man en is niet wel mijn vrient ey out grisaert, al sliept ghi totter noene Ghi en hebt niet dat mi dient 2.[regelnummer] Het was mi van te voren gheseyt Dat ghi waert van slutsaerts bende V spel mi oock niet en ghereyt int beghinsel noch int eynde Waer ick mi keere oft wende Mijn man en is niet wel mijn vrient ey out grijsaert dat ic v oeyt kende Want ghi en hebt niet dat mi dient.
[pagina 38]
3.[regelnummer] Vermaledijt so moeten si zijn die dat houwelijc van hem voortbrochte Het schoon coluer, den reynen maechdom mijn dat die griecke aen mi verlochte Mi en rocx hoe ick van hem gerochte Mijn man en is niet wel mijn vrient ey out grysaert dat vlees ic te dier cochte Want ghi en hebt niet dat mi dient 4.[regelnummer] en weent niet meer mijn soete lief Jck hebbe genoech voor v behagen Siluer ende gout van als v gherief daer toe bereyt v leue daghen Van mi en hebdy dan niet te claghen. Ghi segt ic en ben niet wel v vrient ey out grisaert, dat beenken moetty knagen. Want ghi en hebt niet dat mi dient 5.[regelnummer] Had ic pampier schoon parkement Penne ende inct, ick schreue daer inne Aen die liefste prince bekent Dat hi soude comen tot zijn vriendinne Dien ic met goeder herten beminne Want mijn man en is niet wel mijn vrient. ey out grisaert al soudi daer ont ontsinnen. Jc heb een ander liefken die mi dient.

Vorige Volgende

XXVI.