Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende XXX. ¶ Een nyeu liedeken 1.[regelnummer] DJe mint, die vint een heimelic lijden hi ducht, hi sucht in allen daghen. Ende hem den troost dan moet vermijden. Sijn cleyn voorspoet mach hi wel claghen Jck weet die sulcke moet verdraghen Ende lijden een swaer verdriet Lijf ende goet soude hi wel waghen Om haer nochtans en acht zijs niet [pagina 44] [p. 44] 2.[regelnummer] Si en achtes niet wat baet geclaecht Nochtans weet si wel ongheloghen Dat ic en minne gheen schoonder maecht Si doet mi dicwils droefheyt tooghen Weenen ende suchten voor haer ooghen Ende lijden een swaer verdriet Ey lacen dit moet ic al ghedooghen Om haer, nochtans en acht zijs niet 3.[regelnummer] Mocht ic eens troost aen haer verweruen. So slote ick trueren buyter fille Mer neen ic, ick salt besteruen Want si en heues gheenen wille Jc mach wel claghen luyde ende stille Jnt strick van minnen lijde ick verdriet Jnt herte hebbe ick so grooten geschille Om haer, nochtans en acht zijs niet 4.[regelnummer] Haer blijde ghelaet heeft mi bedroghen Ende ooc ghebrocht in lijdens eruen Haer schoon opslach van haren ooghen. Doet mi duysentich dooden steruen Juecht ende vruecht moet al bederuen Jn mi dies lijde ick verdriet Mijn herteken soude ic wel laten schermen Om haer, nochtans en acht zijs niet 5.[regelnummer] O venus ghi moordadighe vrouwe Ghi schieter veele met uwen strale Dat machmen wel aen mi beschouwen Ghi worpet mi buyten vruechden pale O venus ghi zijt die princepale Die mi dicwils doet verdriet Adieu ick blijue in droefheyts sale Om haer, nochtans en achts zijs niet Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd