Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende [pagina 45] [p. 45] XXXI. ¶ Een nyeu liedeken 1.[regelnummer] DAt meysken opter laden lach Si weende also seere Hadde ick nv eenen knaep Die mi dat luytken sloech ende ic een kindeken van hem droech 2.[regelnummer] Dat verhoorde een ionghe knaep een knaep die was stout Hi dede een veelken maken Van siluer ende van roode gout Ay mi lieue meysken ghi valt mi seer bout 3.[regelnummer] Doen dat veelken ghemaket was Hi ghinck voor zijns liefs dore Schoon lief zijt ghi daer binnen daer binnen, so coemt hier vore Ay mi lieue meysken hoe beual ic dy. 4.[regelnummer] Ghi beualt mi wter maten wel Met dy vaer ick van hen Ouer die groene heyde Vader ende moeder te leyde Ay mi lieue lantsknecht ick ben bereyt 5.[regelnummer] Als si op der heyden quam die heyde was lanck ende groot Had ick nv ros ende waghen die mi weynich droech Ay mi lieue lantsknecht ick ben so moede 6.[regelnummer] Ros ende waghen en heb ic niet Maer eenen bedelaers sack Mach ick v daer mede helpen Jck hanghen v aenden hack. Ay my lieue meysken hoe beualt v dat 7.[regelnummer] Jck en ben gheen bedelersse Noch oock gheen bedelaers kint Jck ben eens coopmans dochter [pagina 46] [p. 46] Te Couelens op den rijn Ay lieue lantsknecht ic vaer van dy 8.[regelnummer] Sidy eens borghers dochter Te Couelens al op den rijn So ben ick eens visschers sone Te Walckenborch al op die merct Ay mi lieue meysken hoe beual ic dy 9.[regelnummer] Die ons dit goede liedeken sanc Ende wel ghesonghen had Hi heuet wel gesonghen God gheue hem een goet iaer Een schoon vrou had hi met hem gaen. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd