Horae Belgicae


XL. ¶ Een amoreus liedeken. 1.[regelnummer] EEn ionghe maecht, heeft mi gedaecht Te comen in haer camerkijn Stout onuersaecht, heb ict gewaecht Jck was bespiet van nijders fenijn Sal ick noch moeten in drucke zijn. Want si mi liefde heeft bewesen mocht si gebueren mi, mocht si gebueren mi. en so waer ick vrij Van alle mijnen druck ghenesen 2.[regelnummer] Haer aenschijn claer, heeft mi voorwaer Mijn oochskens alte seer verblent Dat ic haer, in drucke ende vaer Dat is den hoochsten heere bekent Had ic mijn lieueken hier present So waer mijn vruecht verresen. Mocht si gebueren mi, mocht si gebueren mi Ende so waer ic vrij. Van alle minen druck ghenesen 3.[regelnummer] En al om mijn lief, lijde ic miskief. Want icse selden spreken mach Mer als een dief, lijde ic miskief Mocht icse versoecken nacht ende dach Dat wildi hooren mijn geclach. Van mijnen lieueken ghepresen mocht si gebueren mi, mocht si gebueren mi Ende so waer ic vrij Van alle minen druc ghenesen 4.[regelnummer] Princersselijc aensien, moet ic haer bien Bouen al die leuen int aertsche dal
[pagina 58]
Al moet ic van haer vlien, door nijders bespien Jc hoopt niet langhe dueren en sal Want God die heere is bouen al So wil ic swijghen met desen mocht si gebueren mi, mocht si gebueren mi. Ende so waer ic vrij Van alle minen druc ghenesen Mint daer ghi trouwe vint