Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende [pagina 138] [p. 138] XCII. ¶ Vant Vriesken. 1.[regelnummer] JCk sie die morghen sterre breyt. Wel op Vriesken wel ghemeyt Si verlicht ons tot inden throone So wie een gestadich boelken heeft Hoe noode scheyt hi van dane. 2.[regelnummer] Och vriese hoe waerdi so versaecht doen ghi vast in ws boels armen laecht Rijck god noch weet ick raet Jc hebbe noch vrouwen cleyderen die suldi vriesken doen an 3.[regelnummer] Dat vrouken socht eenen nauwen list Si trock die cleederen wt haer kist. daer op sette hi den hoet. Jc sweere v op mijn trouwe dat Vriesken hadde eenen vrien moet 4.[regelnummer] Hi sloech zijn harnas op zijn schouderen. Wijf doet op die poorte this meer dan tijt Jck moet wt wasschen gaen Mijn moeder beschelt mi seere Om dat ick mi verslapen haen 5.[regelnummer] Doen hi buyten der poorten quam Op zijn grauwers dat hi spranck. Al onder een lindeken groene daer op so sanc die nachtegale Ter eeren van dat Vriesken schoone 6.[regelnummer] Tvriesken reedt den seluen padt Al daer die heere te rijden plach die heere die quam hem teghen Vriesken seyde hi vriesken fijn Waer is die reyse gheleghen. 7.[regelnummer] Die cleederen die ghi ane draecht Hebbe ick noch wel meer ghesien. Nv seghet mi Vriesken onuersaecht [pagina 139] [p. 139] En wat mach dit bedien dat ghi dese cleederen aen draecht 8.[regelnummer] Die cleederkens die ic draghe an. die gaf mi een diet mi wel gan Si salder noch wel meer gheuen God gheue haer frisschen morghen Bi haer hebbe ic te nacht gheleghen 9.[regelnummer] Och Vriese zijt ghi een eerbaer man So trect mannen clederen an Ende verweert v ionghe lijf Op dat niemant ghesegghen en can. daer leyt verslaghen een wijf 10.[regelnummer] Si lieten daer beyde haer woorden staen. Met scherpe swaerden gingen si daer slaen. dat Vriesken dat bleef daer doot Jc sweere v op mijn trouwe fijn Hi en was noeyt in meerder noot 11.[regelnummer] Die heere reedt den seluen padt Al daer die Vriese te rijden plach Al voor zijn eyghen dore Staet op mijn alder liefste lief. Die Vriese die is daer vore 12.[regelnummer] Dat vrouken die dat haest vernam Een snee wit hemdeken tooch si an. Den grendel schoot si daer van Si meynde dat Vriesken in te laten Het was haren getrouden man 13.[regelnummer] Vrouken waer zijn v ghewaden die ghi daghelijcx pleecht te draghen Berechtes mi ic wilt sien. Vertoeuet hier tot morghen Het sal v wel geschien 14.[regelnummer] Joncfrouken daer zijn v ghewaden die ghi daghelijcx pleecht te draghen Die Vriese is ghebleuen doot [pagina 140] [p. 140] Jck sweer v op mijn trouwe Hi en was noeyt in meerder noot 15.[regelnummer] Och heeft die Vriese verloren dlijf So ben ic een allendich wijf. Ende met hem so wil ic steruen Ende bidden maria die maghet reyn Dat si ons te samen wil eruen 16.[regelnummer] Joncfrouken ic had v also lief Nv ben ic op v gheworden gram so ben ic heere weder op v Wie heeft die meeste schade dan Sprack dat wijf tot haren man 17.[regelnummer] Die ons dit liedeken eerstwerf sanck Een clerck van lueuen was hi ghenaemt. Hi leerdet in Venus scholen Die schoone vroukens die heeft hi lief. daerom so moet hi dolen Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd