Horae Belgicae


XCVII. ¶ Een nyeu liedeken. 1.[regelnummer] IN oostlant wil ic varen. Mijn bliuen en is hier niet lanck Met eender schoonder vrouwen Si heeft myn herteken beuaen. 2.[regelnummer] Hi nam dat maechdeken bijder hant. Al bider witter hant Hi leydese op een eynde daer hi een beddeken vant 3.[regelnummer] daer lagen si twee verborgen den lieuen langhen nacht Van tsauonts totten morghen Tot dat scheen den lichten dach. 4.[regelnummer] Wel op ridder coene Sprack si dat meysken fijn Keert v herwaerts omme Mi wect een wilt vogelken. 5.[regelnummer] Hoe soude ic mi omkeren Mijn hooft doet mi so wee En waer dat niet geschict. Ten schiede nemmermeer
[pagina 147]
6.[regelnummer] Had ic nv drie wenschen Drie wenschen also eel So soude ic nv gaen wenschen Drie roosen op eenen steel. 7.[regelnummer] Die een soude ick plucken die ander laten staen die derde soude ic schencken der liefster die ic haen. 8.[regelnummer] Aen ghene groene heyde. Daer staen twe boomkens fijn die een draecht noten muscaten die ander draecht nagelkijns. 9.[regelnummer] Die naghelen die zijn soete die noten die zijn ront Wanneer so sal ic cussen Mijns liefs rooden mont. 10.[regelnummer] Die ons dit liedeken sanck So wel ghesonghen hae. dat heeft gedaen een lansknecht God geue hem een goet iaer.