Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende XCVIII. ¶ Een nyeu liedeken 1.[regelnummer] JC hadde een gestadich minneken. Geen scoonder die daer leeft Vercoren in mijn sinneken. Van rouwe mijn herte beeft Want si mi nv begheeft daerom mach ic wel scriuen Wantrouwe van alle wijuen. Want si een ander heeft 2.[regelnummer] Twee bruyn ogen so draget si So vriendelic int gesicht. daer mede so veriaget si druck lijden int gewicht. [pagina 148] [p. 148] Tis lange te voren gedicht Tis lange te voren geschreuen Dat si mi soude begheuen Want vrouwen woorden die zijn lichte. 3.[regelnummer] Soete weerde lieueken Pcyst somtijts eens om mi doet vry al v gherieueken Al sonder fantasi Seer selden ben ic bly Weder ic ete oft drincke Om v ist dat ic dincke Al wijsdi mi voor by 4.[regelnummer] Hoe soude ic haer vergeten. Jc ligghe in swaer verdriet. Van drincken noch van eten. Can ic gheuoeden niet Jck weet wel hoe si hiet Die myn herteken heeft beuanghen. Naer haer staet alle mijn verlanghen Jc leue in swaer verdriet 5.[regelnummer] O venus soete vrouwe Js dat v dienaers loon Jnt eynde van v trouwe So ist beghinsel schoon Dies sterf ic duysentich doon dat haer een ander sal trouwen. Die bloem van alle vrouwen Al onder des hemels troon 6.[regelnummer] Adieu mach ic wel scriuen Adieu is mijn aduijs Bedroghen moet ic blijuen Als Salomon die wijs Die schole van Parijs Absalon die schoone Schoone vrouwen spannen. die croone die geue ic den hoochsten prijs [pagina 149] [p. 149] 7.[regelnummer] O bitterlijcke scheyden Waer toe sidy ghemaect Die doot wil mi verbeyden die also bitter smaect het moet ghescheyden zijn Schoon lief staet mi te spraken Jck valle in desperaten Jc bliue al in die pijn Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd