Horae Belgicae

CXVIII.
¶ Op die selue wijse

MEt eenen nyeuen sange.
Verhuecht dat herteken fier
Ghi die zijt in bedwange
Ontsteken in venus vier.
Aensiet den eglentier
Die bloeyt schone ende plaeysant
Jn venus eerste schier
Si staet so triumphant
Den mey lustich ende groene
Die schoon gebloeyt staet

[p. 179]

 

Hi is nv in saysoene

 

Hi riect so delicaet

 

Spaceert reyn vroulic saet.

 

Om te horen der vogelen sanc

 

Reyn ionste niet en baet

 

Aenhoort der kelen geclanck

3.

Ghi minnaers cloeck van moede.

 

Spaceert int groene gras.

 

met haer doet als de vroede

 

Als Thisbe die bloemkens las

 

Schout vileynich ghebras

 

Oft dorperheyt een paer

 

Jst so oft gheuet pas

 

Bedrijft solaes met haer

4.

Metter liefste kersouwe

 

Spaceert int groene wout.

 

Si wort v so ghetrouwe

 

Op haer en valt niet te stout.

 

Die voghelen ionc ende oudt

 

verhuegen elc herteken reyn

 

Met ander so menichfout.

 

Jnt spijt der nijders deyn.

5.

Cypres ende maioleyne

 

Elc herte nv verhuecht

 

den rosemareyn ten pleyne

 

Versoec die zijn onthuecht.

 

Alsmen aensiet die iuecht.

 

met eenen lachenden mont

 

Elc minnaer maect dan vruecht.

 

Hi is genesen die is gewont

6.

Jst niet een melodie

 

Te wesen inder vogelen sanc

 

Met zijn liefste amye

 

Bi dattet is inder rotten geianc

 

Alsmen mach vrij ende vranck.

 

met haer zijn in solaes

[p. 180]

 

men mach haer wel weten danc

 

Door een amoreus relaes.

7.

Princersselijcke beelde.

 

Gaet pluct den groenen mey.

 

Ghi vinter ws herten weelde.

 

Gaet aen hoort der vogelen. gescrey

 

Jnt bidden en zijt niet te ley.

 

Voor den Keyser bidt dach ende nacht

 

Dat hi comen mach tot sinen grey

 

Voor verraderie moet zijn gewacht