Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


CLI. ¶ Een oudt liedeken. 1.[regelnummer] TE Bruynswijck staet een casteel Daer woonen ghebroeders sesse Die een die hadde een meysken lief Hi en condese niet vergessen Dat clage ic god Hi en condese niet verghesse 2.[regelnummer] Die ridder sprac sinen schiltknecht toe Och hansken lieue gheselle Nv sadelt mi mijn alder beste ros Laet ruysschen ouer den velde Dat clage ic god Laet ruysschen. 3.[regelnummer] Doen hy dat groene woudt ouer quam dat ros dat viel ter aerden Helpt mi Maria schoone moeder gods wat sal mijns nv ghewerden dat clage ic god Wat sal mijns. 4.[regelnummer] Ende hi hief op een liedeken hi sanck Alle druc woude hi vergeten
[pagina 226]
So luyde dat opter salen clanc Daer zijn liefken was gheseten Dat claghe ic god Daer. . 5.[regelnummer] Si stack haer hooft ter tinnen wt Met twee beweende ooghen Helpt mi Maria schoone moeder gods Men gaet mijn lief onthoofden dat claghe ick god Men gaet. . 6.[regelnummer] Si nam dat hooft al in haer hant Si wiesschet vanden bloede Helpt mi Maria schoone moeder gods Hoe wee is mi te moede dat clage ick god Hoe wee is. . 7.[regelnummer] Si nam dat swaert al metten knoop Si settet op haer herte Si litet so lijselijc innewaert gaen Des hadde die ridder smerte Dat claghe ic god Des had. . 8.[regelnummer] Nv zijn daer twee ghelieuekens doot die een om des anders wille Waer vintmense nv in kerstenrijck die draghen sulcke minne dat claghe ick god Die draghen. . 9.[regelnummer] Nv zijn daer twee gheliefkens doot Och waer salmense grauen Al onder eenen eglentier Dat graf sal rooskens draghen dat claghe ic god Dat graf sal. .

Vorige Volgende