Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CL. ¶ Een oudt liedeken. 1.[regelnummer] TGhepeys leyt mi seer vast en quelt Van mi en can icx niet gheweeren Mijn sinnen zijn mi so seer ontstelt Want troost van haer moet ic ontbeeren. Ten coemt niet al na mijn begheeren Want niet en baet wat ick labuere Aldus moet ic mijn bloet verteeren Jc ben daer in ick moet daer duere 2.[regelnummer] Reyn gonste moet ick tot haer draghen Die nv so dick verwandelt mijn bloet Mocht ic haer noch eens mijn lijden clagen. Mijn herte ontlasten dat waer mi goet Nv moet ick deruen haer vrientschap soet Gheen slodt en can ic geschieten daer vore Dwelc mi bedroeft, herte, sin ende moet Jc ben daer in ic moeter duere 3.[regelnummer] Och lacen ic en weet niet waert mi ledt. Dat si mi schout die waerde reyn dat is een plaet dat mi besinet Want ick gheen troost aen haer en vinde Lijde ick verdriet ende groot alleynde Jck en vinde nerghens gheen auontuere Mer ic hope het sal noch beteren ten eynde Jc ben daer in ick moet daer duere 4.[regelnummer] Die nijders tongen hebbent gebrouwen Dat ic van haer ben ghedreuen [pagina 225] [p. 225] Op haer stont alle mijn betrouwen Mer si heeft mi altemael begheuen Jc en derf niet meer op hope staen Want si maect mi dat leuen te suere Ten baet nyet alle mijn suchten ende beuen O lacen ick ben daer in ic moet daer duere 5.[regelnummer] Ter eeren van alle schoone ioncfrouwen. Die geerne in Venus armen ligghen So hebbe ick nv dit liet ghesongen Dat daer elck af mach smaken Niemant en derf daer na seer haken Dat soete verwandelt so dick int suere. Elck wachte hem voor vrou Venus saken Jck ben daer in ic moet daer duere. Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd