Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CXLIX. ¶ Een oudt liedeken 1.[regelnummer] TAndernaken op den rijn Daer vant ic twee maechdekens spelen gaen die een dochte mi aen haer aenschyn Haer ooghen waren met tranen ombeuaen Nv segt mi lieue ghespele goet Hoe sweert v herte hoe truert uwen moet waer om is dat woudijs mi maken vroet Jc en cans v niet gesagen Tis die moeder diet mi doet Si wil myn boel veriagen, veriagen 2.[regelnummer] Och lieue ghespele daer en leyt niet an. den mey die sal noch bloeyen So wie zijn liefken niet spreken en can die minne mach hem niet vermoeyen Och lieue ghespeelken dats quaet sanck den mey te verbeyden valt mi te lanc Het soude mi maken van sinnen also cranc. Jck soude van rouwe steruen [pagina 223] [p. 223] Jc en weets mijnder moeder gheenen danc. Si wil mijn boel verderuen, verderuen 3.[regelnummer] Och lieue ghespele daer en leyt niet an. Nv sedt nv schiet v herteken al in vreden. Mijn moeder plach te spinnen des en doet si niet Den tijt en is niet lange gheleden Nv schelt si mi hier, nv vloect si mi daer Mijn boelken en derf niet comen naer Daer om is mijn herteken dus swaer Jst wonder dat ick truere Ende ic en mach niet gaen van haer ter veynster noch ter duere, noch ter duere 4.[regelnummer] Och lieue ghespele dat waer wel quaet Wilt sulcker tale begheuen Hadde ic ghedaen mijns moeders raet Jc waer wel maecht ghebleuen Nv hebbe ic sinen wille ghedaen Mijn buycxken is mi opgheresen Ende nv so is hi mi ontgaen Ende gaet elwaerts spelen Des moet ic laten so menighen traen Jc en cans v niet gehelen, gehelen 5.[regelnummer] Ghespele wel lieue ghespele goet En sidy dan gheen maecht Och neen ic lieue ghespele goet Ende dat si ons heer god gheclaecht Mer datmer vint so veel god danck dat ick noch maget si. Spiegelt v lieue gespeelken aen mi. Ende wacht v oft ghi en zijt niet vrij Ten sal v niet berouwen Coemt hem nemmermeer niet na bi. Oft ghi wort gheloont met trouwen, met trouwen 6.[regelnummer] Ghespele gespele hi seyt dat hi mi mint Die minne plach mi te lieghen En gelooft die clappaerts niet en twint. Si staen al na bedrieghen [pagina 224] [p. 224] doen loech sinen grooten schach dat was die maghet die op mi sach Jc boodt haer minnelijck goeden dach Jc groetese hoochlike God geue dat icse vinden mach Bi mi in hemelrijcke, in hemelrijcke Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd