Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


CLIV. ¶ Een nyeu liedeken 1.[regelnummer] TFij der valscher ialosien Ghi valt mi teghen in partien dat ic mijn lief, met gherief Moet deruen, hoe soude icx mi verblijen Wel roepen ick mach, met geclach Tsi nacht of dach, dat ic oeyt sach Diet mi doet, die gon ic goet Met woorden soet, moet ic mi lien Tfy der valscher ialosien
[pagina 230]
2.[regelnummer] Daer noyt wanck an en was geuonden Jaloerscheyt doet mi anders gronden Tot alder tijt, so maect ghi nijt door ialosie wort menich man verslonden Jaloertsheit snel, ghi valt mi fel Laet v ghequel, so vaer ic wel Het cost mijn bloet, der minnen soet Ghi weet den moet, in vrien Tfy der. . 3.[regelnummer] Die tortelduyf wil ic slachten Haer eerste gaey, niet te verachten Helpt haer die gaey, van herten fraey dat blust veel vreemde gedachten Want this somen siet, een groot verdriet die mensch is crancker dan een riet Staet hi vast, hi wort verrast Tfaelt hem een last, tontrien Tfy der. . 4.[regelnummer] Noch gheef ick prijs eerbare vrouwen Die haer vercieren met vast betrouwen Met blij gelaet, hoe dattet gaet dat is den raet, wilt dat onthouden En maken haer yent, tot een present Och thert verwent, door liefden blent Schoon bloem, weest niet so dom Rijt herwaerts om, bi tien Tfy der. . 5.[regelnummer] Prins wacht v der valscher ialosien Wilt niemant met een ander betien daer noeyt en was, daer coemt wel ras. Veel vreemde fantasien Mijn hert verhuecht, in die genoecht. myn iuecht, maect vruecht, in die genoecht Sout niet so zijn, dat cost mi pijn Schout dat fenijn ende latet glien Tfy. .

Vorige Volgende