Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende



[pagina 231]
CLV. ¶ Een oudt liedeken. 1.[regelnummer] UErblijt v ic sal v singhen voren Den tijt heeft vruecht wtuercoren Wi waren naect gheboren te voren Al verteeren wi tgoet Wi dienen den heere van selden vroet Die al verdoet 2.[regelnummer] Men moet, den droeuen sin verblijden. Om tgoet, en sullen ons vrienden niet strijden Wi sullent verteeren in tijden snijden So diep int vet Ons penninghen blijuen altemet Jnt cabaret 3.[regelnummer] Ghewet, is hier tot desen spele Besmet, zijn wi met roeyaerts mele Wat batet dat ict hele seer vele Om tvet van dien Die sommighe souden vruecht implien En deden die lien 4.[regelnummer] Wilt vlien, van hier die met ons ghecken Wi sien, genoechte in allen plecken Ondanc der nijders becken wi wecken Jolijt ende vruecht Wie in zijn ioncheyt niet en verhuecht Die is onduecht 5.[regelnummer] Doet duecht, als duecht is in saysoene Dijn iuecht hout altijt euen groene Die sulcke en was noyt coene in doene Daer vruecht aencleeft Wie om dat aertsce goet in sorgen leeft Voorwaer hi sneeft 6.[regelnummer] Begheeft, en schout die nijders plaghen Wi heeft, zijn goet voor hem gedraghen Ons ouders oudt van daghen wi saghen Si scheiden daer van
[pagina 232]
Wel hem die tgoet oorboren can Tsi wijf oft man. 7.[regelnummer] God gan, haer broot diet hopelijc eten Dus dan, is best die sorghe vergheten Die sulck is hooch gheseten, ghesmeten Voort op een radt Al vinden wi ons ghildebroeders achter nat Wat achten wi dat 8.[regelnummer] Wel sadt, werden wi noch tauont vonden Jn vat, leyt eenen dronckaert ghebonden Die hout in ghesonden al slonden Wi ghelijc een troey Tweerdinneken borghet ons wten doy Dus woorden wi moy 9.[regelnummer] Poy poy, wort tauont ons maniere Schoy schoy laet ons genoechte hantieren. Wi willent van thienen van vieren te bieren Tis goet int lijf Neemt al in danc ist man oft wijf Ons sot bedrijf

Vorige Volgende