Horae Belgicae


CLVI. ¶ Een nyeu liedeken. 1.[regelnummer] UAn lieue te dichten wil ic beginnen Al en ist ooc niet int openbaer al wilde ict laten ic en soude niet connen die minne van haer valt mi te swaer 2.[regelnummer] Helpt god heere wie sal ict claghen Mijn onghenoechte mijn swaer verdriet. Jc gae te niet en van daghe tot daghen Mer niemant en weet wat mijns geschiet 3.[regelnummer] Jc hebbe ghemint ic en twijfel niet. Een die mi noch bedriegen sal Oorlof schoon lief wi moeten scheyden Ten haluen ghekeert en doelt niet al
[pagina 233]
4.[regelnummer] Jst quaden wille oft quaet insteken dat ic so rasch vergheten moet zijn V minne die doet mijn herte breken Si quelt mi ter doot dat dunct mi 5.[regelnummer] Heer god mocht ic den dach noch leuen dat si mi minde ende ic haer niet So soude mijn herteken in vruechden leuen daer ic nv ben in swaer verdriet 6.[regelnummer] Die dit liedeken eerstwerf sanck dat was een ruyter van herten fijn Mocht hi slapen in zijn liefs armen blanck Vol vruechden waer dat herte zijn