Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CLXI. ¶ Een nyeu liedeken. 1.[regelnummer] WAect op, waect op du waerde gast die valcke is opter stranghen Hi keert hem seer na des daghes licht daer na staet sijn verlanghen daerom ic v in trouwen rade die morghen sterre inden hemel staet Siet dat v niet en worde te spade Keert v schoon lief van danen 2.[regelnummer] Neen wachter neen laet dat geschal Wat dinghe helpt v dat schimpen Ghi brenget ons beyde in groot ongeual Het can v luttel ghehelpen Dat ghi verstoort den liefsten gast Hi coemt hier lacen selden Ten is noch niet so na den dach Ghi sullet noch misghelden 3.[regelnummer] Neen vrou neen, weest niet so fel Door ghene swerte wolcken Mi dunct ic sic een sterre claer Al door die wolcken comen stolcken Oft ic daer in bedroghen ben daer gheue ic mi in schuldich den dach en is niet so na daer bi Ghi slaept noch wel een vre oft dry Laet mi in uwer hulpen 4.[regelnummer] Die gast die gast, die si vercoos Haers herten een tabernakel Jn heeter liefden haers herten begheert [pagina 242] [p. 242] Si brant recht als een fackel Haer dunct een vre een iaer lanck dueren Si en heues gheen verdrieten Si speelde beyde haers herten begheeren. Tot dat die lichte morghen sterre Quam aenden hemel schieten 5.[regelnummer] Dat vrouken in haer bedde lach Met haer snee witte wanghen Haer roode mont, haer bruyn ogen opslach Haer herte is so banghe Voor die nijders tonghen is si seer versaecht. Den dach coemt aen ghestreken Hi spranck daer lustelijck door den clee Dat scheyden doet hem beyden wee Ende strijdt bouen alle valcken Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd