Horae Belgicae



[pagina 252]
CLXVII. ¶ Vanden Coninck van Castilien 1.[regelnummer] WJe wil hooren singhen een druckelijc nieu liet Van die coninc van Castilien Hoe dat hi wten lande schiet. 2.[regelnummer] Trompetten ende claroenen dede hi so seere slaen dat si alle souden comen die met hem wilden gaen. 3.[regelnummer] Als si opt water quamen daer geschieden iammer groot die scepen vlogen van malcander si waren alle in grooter noot 4.[regelnummer] Die coninc sprac Joanna. Wel edel vrouwe mijn dit is bi uwen schulden dat wi in desen noode zijn. 5.[regelnummer] Die coninc totten stierman sprac wel edel stierman fijn Nv brenget mi weder te lande. mi en roect niet waer wij zijn 6.[regelnummer] Die stierman fyn totten coninc sprac Wel edel heere mijn Jc en can v niet te lande gebrenghen Jc en weet niet waer wi zyn. 7.[regelnummer] Die coninc viel ootmoedelijc Op beyde zijn knien Hi badt gode van hemelrijck dat hem gracie mocht geschien 8.[regelnummer] Die stierman totten coninck sprac Wel edel here mijn Mi dunct ic hoore die vogelen singhen Jc hope het sal wel zijn 9.[regelnummer] Doen si in Engelant quamen Men hiet hem willecoem zijn
[pagina 253]
Men scanc hem daer te drincken den alderbesten wijn 10.[regelnummer] Van daer so gingen si seylen Al na dat spaensche lant Tot zijnder edelder vrouwen Al in behoudender hant.