Horae Belgicae

[p. 249]

CLXVI.
¶ Een oudt liedeken.

WAer sal ic mi henen keren
ic arm broederlijn
Wes sal ic mi gheneren
Mijn goet is veel te cleyn.
Als ic een wesen haen
So moet ic balde van daen.
dat ic nv soude verteeren
dat heb ic te voren verdaen.
Jc ben te vroech gheboren
Al keer ic mi om ende om
Myn geluc coemt eerst morgen
Al had ick een keyserdom
daer toe den tol vanden rijn
Ende waer Venegien mijn
Het waer doch al verloren.
Het moeste versluymet zijn
So en wil ick dan niet sparen
Ende wil dat ooc verteeren
Jc en wil daerom niet sorghen
God besorghes mi morgen meer
Wat helpt my dat ic spaer
Billicx ick verloort te gaer
Tsou mi een dief ontdragen
Het roude mi wel een iaer
Jc wil hem laten sorghen
die dat ter herten gaet
Mijn gelt wil ic verbrassen
Versluymen vroech ende spae
Ende ic ben euen bly
Bi die menighe waer dat si
Het springet opter heyden.
God behoede zijn geschil
Jc sie op gheender heyden
Menichte van bloemen staen

[p. 250]

 

Si zijn so wel ghecleydet

 

Wat sorghen soude ic haen.

 

Als mijn goet ouer quam

 

Jc ben so frisch ende ionck

 

Sou mi die doot bedwingen.

 

Jc en truerde daer niet om

6.

Drie worpen inder caerten

 

dat is die wapen mijn

 

ses huebsce vroulijns hertzen

 

Op elcke side drie

 

Coemt hier du schoonste wijf

 

Ghi verblijt dat herte mijn

 

Lief mocht ic bi v slapen

 

So waer mijn herte bly

7.

Die voghelen laet ic sorgen

 

Al teghen desen winter calt.

 

Wil mi de weert niet borgen

 

Mijn rock gheue ic hem balt.

 

myn hueyckelijn ooc daer toe

 

ic en heb noch rast noch rou

 

des auonts ende des morgens.

 

Beyde ict al verdoe

8.

Geen beter dinc op aerden

 

Wanneer ic goet leuen hae

 

En weet ic meer

 

dan sluymen vroech ende spae.

 

Daer toe eenen vrijen moet

 

Jc en stae niet seer na tgoet

 

Als menich rijck borghere.

 

Na grooten woecker doet

9.

Hi wint zyn goet met slauen

 

daer toe met sorghen groot

 

Wanneer hi rust sal hauen.

 

So leyt hi al waer hi doot

 

So ben ick frisch ende ionck.

 

God geue mi veel terstont

[p. 251]

 

God hoede mi ionge knape.

 

dat mi gheen homoet en coemt

10.

Heerweert steect aen het ghebraden

 

daer toe die hoenderen ionck

 

daer toe mach ons beraden

 

Eenen frisschen coelen dronck

 

Brengt hier den coelen wijn

 

Ende schenct ons dapper in

 

Mi is een buyt beraden

 

die moet versluymet zijn

11.

Dat swaert op mijnder siden

 

Jck make mi haest daer van

 

En heb ick niet rijden

 

Te voet so moet ick gaen

 

Het en wil niet zijn ghelijck

 

Jc en ben ooc niet so rijck

 

Jc moet den tijt verbeyden

 

ende verwachten dat goet arffelic

12.

Die dit liedeken schoone

 

Ghesongen heeft voorwaer

 

dat heeft gedaen een sluymer

 

God geue hem een goet iaer

 

Al inden coelen wijn

 

Hi wilde altijt vrolijc zijn

 

Sijn gelt heeft hi verbrasset

 

Met schoone vrouwen fijn